Hver er kylfingurinn: Graeme McDowell? (1/7)

Flestir þekkja Graeme McDowell MBE, sem einnig er oft nefndur GMac til styttingar í golffréttum.  Hann sigraði nú í dag, 16. nóvember 2015 á OHL Classic at Mayakoba í Mexíkó. Þetta er 3. sigur hans á PGA mótaröðinni og 14 sigurinn á ferlinum, en hann hefir líka sigrað 10 sinnum á Evrópumótaröðinni og 1 sinni á Asíutúrnum. Eins hefir hann tekið þátt í heimsbikarnum f.h. Írlands og verið í Ryder bikars liði Evrópu þrívegis.  Hann hefir líka verið á topp-10 á heimslistanum en hæst hefir hann komist í 4. sætið í mars 2011.

Hér fer nú af stað 7 greina, greinaröð um GMac til heiðurs 3. sigrinum á PGA mótaröðinni.

McDowell er fæddur 30. júlí 1979 í Portrush á Norður-Írlandi og hann hefir spilað í Rathmore golfklúbbnum frá því hann var 8 eða 9 ára gamall. Frændi hans Uel Loughery var þjálfari hans þegar hann var yngri.

Hann var þegar farinn að spila í með afreksmönnum 14 ára í Rathmore. Hann var í  Coleraine Academical Institution og nam síðan verkfræði íQueen’s University í Belfast, en þaðan flutti hann sig yfir til  the University of Alabama at Birmingham, þar sem hann spilaði í bandaríska háskólagolfinu.  Með háskólaliði sínu The Blazers vann GMac 6 af 12 mótum og hlaut  Haskins Award, sem veitt er besta kylfingnum í bandaríska háskólagolfinu.  GMac var einnig í liði Breta&Íra sem vann Walker Cup 2001 á  Sea Island í Georgia.