Hver er kylfingurinn: George McNeill?

George McNeill sigraði á Puerto Rico Open. En veit einhver hver sigurvegarinn er?

George William McNeill, Jr. fæddist í Naples, Flórída, 2. október 1975 og er því 36 ára.  Hann hefir 2 sinnum sigrað á PGA Tour, fyrra skiptið var Frys.com Open árið 2007.  Hann var í golfliði Florida State University. McNeil var All-ACC og All-America selection árin 1997 og 1998.

Sem stendur spilar McNeill á PGA Tour. Hann var áður á Nationwide Tour, árið 2003 en hélt ekki kortinu sínu og spilaði því á Golden Bear túrnum og spilaði aðeins á 1 móti Nationwide Tour. Árið 2005 var hann á ýmsum minniháttar mótaröðum og reyndi stöðugt við Nationwide og PGA Tour en bar ekki árangur sem erfið. Seint á árinu 2005 tók hann sér frí frá keppnisgolfinu og vann sem golfkennari í  Shadow Wood and Forest Country Clubs í Fort Myers, Flórída í 6 mánuði.

Þann 1. janúar 2006 kvæntist McNeill Ryan Lynn Turner og í júní sama ár sneri hann sér aftur að keppnisgolfinu þegar hann ávann sér keppnisrétt á Opna bandaríska 2006. Hann komst í gegnum niðurskurð á öðru af 2 Nationwide mótum sem hann tók þátt í og seinna á árinu, í desember 2006 sigraði hann á lokaúrtökumóti PGA Tour.  Þar með vann hann sér inn $ 50.000,- og fékk kortið sitt á PGA Tour. Sem nýliði á PGA Tour tók hann þátt í baráttunni um FedEx bikarinn og spilaði í 2 mótum um hann áður en hann komst ekki í gegnum niðurskurð á 3. mótinu. Hann vann 1. sigurinn á PGA Tour í Fall Series þ.e. um haustið í Frys.com Open eins og áður segir og síðan Puerto Rico Open í gær, 11. mars 2012.