![](https://www.golf1.is/wp-content/uploads/2014/02/1-GC.png)
Hver er kylfingurinn: George Coetzee?
George Coetzee frá Suður-Afríku sigraði nú í dag á Joburg Open. Þetta er í 1. sinn sem Coetzee sigrar á móti Evrópumótaraðarinnar en í beltinu á hann 4 sigra á Sólskinstúrnum Suður-Afríska og 1 sigur á Gary Player Challenge ásamt öðrum eða alls 6 sigra sem atvinnumaður nú í dag!
En hver er kylfingurinn George Coetzee?
George William Coetzee fæddist 18. júlí 1986 í Pretoríu í Suður-Afríku og er því 27 ára. Hann byrjaði að spila golf 10 ára og vann fyrsta unglingamótið sem hann tók þátt í var á 49 höggum á 9 holum. Coetzee varð í 4. og 8. sæti á Callaway Junior World Championship í San Diego, en þar var hann einnig í háskóla eitt semestur síðar, þ.e. við University of San Diego. Coetzee gerðist atvinnumaður árið 2007.
Coetzee hóf feril sinn á Sólskinstúrnum suður-afríska 2007 og vann strax fyrsta árið sitt á túrnum þ.e. the Vodacom Origins of Golf Tour í Selborne. Annar og þriðji sigrar hans á sömu mótaröð komu strax ári síðar á SAA Pro-Am Invitational og síðan aftur á the Vodacom Origins of Golf Tour móti í Humewood.
Coetzee vann sér inn kortið sitt á Evrópumótaröðinni eftir að hafa farið í gegnum Q-school en varð að snúa þangað aftur ári síðar eftir að hann lauk keppnistímabilinu í 126. sæti á peningalistanum, en hann varð því miður aðeins tvívegis meðal efstu 10 fyrsta árið sitt. Coetzee hélt áfram að auka við spilarétt sinn árið 2011 og átti ágæstis ár; varð m.a. i 2. sæti á Johnnie Walker Championship í Gleneagles, þar sem hann tapaði fyrir Thomas Björn á 5. aukaholunni í bráðabana. Hann varð líka þrívegis í 3. sæti í öðrum mótum og 8 sinnum meðal 10 efstu. Hann varð því í 26. sæti á peningalistanum.
Árið þar á eftir 2012, var honum gott en hann varð í 21. sæti á peningalistanum og komst á topp-50 á heimslistanum, sem m.a. varð til þess að hann spilaði í fyrsta sinn á the Masters risamótinu í fyrra.
Coetzee vann eins og sagði í upphafi 1. titil sinn á Evrópumótaröðinni, þann 9. febrúar 2014, á Joburg Open, en þetta var 107. mótið sem hann spilaði í. Hann var 4 höggum á eftir forystumönnum fyrir lokahringinn, sem hann lék á 6 undir pari og átti 3 högg á næstu menn!!!
Sem stendur er Coetzeen í 74. sæti heimslistans. Það verður fróðlegt að sjá í hvaða sæti hann verður í eftir helgi og hvort honum takist markmið sitt um að keppa aftur á the Masters risamótinu en til þess þarf hann að fara niður um 24 sæti a.m.k.
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:30 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn
- júlí. 23. 2024 | 16:00 Afmæliskylfingur dagsins: Harris English —- 23. júlí 2024
- júlí. 23. 2024 | 12:06 Opna breska 2024: Hvað var í sigurpoka Xander Schauffele?