Ragnheiður Jónsdóttir | apríl. 1. 2013 | 09:45

Hver er kylfingurinn: DA Points?

Bandaríski kylfingurinn DA Points sigraði á Shell Houston Open í gær, 31. mars 2013.  Það hefir ekki farið mikið fyrir honum ofarlega á skortöflu PGA mótaraðarinnar, þannig að hver er kylfingurinn?

Darren Andrew „D.A.“ Points fæddist 1. desember 1976 í Pekin, Illinois, þar sem hann ólst einnig upp. Points var í Pekin High School og fór síðan í University of Illinois, þar sem hann var third Team All-American.

Points sigraði á Illinois State Amateur Championship árin 1995, 1998, og 1999. Hann tapaði fyrir Tiger Woods í fjórðungsúrslitum the U.S. Amateur árið 1996. Points gerðist atvinnumaður árið 1999.

Points lék á the Buy.com (síðar Nationwide og nú Web.com ) Tour á árunum 2001- 2004 og sigraði á 3 mótum: the 2001 BUY.COM Inland Empire Open, the 2004 Northeast Pennsylvania Classic og the 2004 Pete Dye West Virginia Classic.

Hann vann sér inn kortið sitt á  PGA Tour með því að verða í 2. sæti á peningalista Nationwide Tour árið 2004. Points lék á PGA Tour árin 2005 og 2006, en spilaði síðan aftur á Nationwide Tour árin 2007 og 2008. Á Miccosukee Championship árið 2008, setti hann niður 2. höggið sitt af brautinni á síðustu holunni á sunnudeginum með fleygjárni og lauk síðan mótinu með því að sigra Matt Bettencourt í umspili en það var 4. sigur hans á ferlinum.  Points varð í 16. sæti á peningalistanum og var aftur kominn á PGA Tour árið 2009.

Points upplifði fyrsta árangur sinn á PGA Tour árið 2009. Hann var með 4 topp-10 sigra þ.á.m. landaði hann 3. sætinu á HP Byron Nelson Championship og lauk árinu í 66. sæti á peningalista PGA Tour.

Í febrúar 2011 vann Points fyrsta PGA Tour titil sinn á AT&T Pebble Beach National Pro-Am. Hann átti 2 högg á Hunter Mahan, sem m.a. var að þakka frábæru aðhöggi á par-5 14. holunni, sem hann setti síðan niður fyrir erni með glæsilegu pútti. Points vann líka pro-am hluta mótsins með áhugamanninum og leikaranum Bill Murray. Sigurinn m.a. hjálpaði til við að Points lauk keppnistímabilinu í 37.sætinu á peningalistanum, sem er besti árangur hans til dagsins í dag.

Points var í forystu á  Wells Fargo Championship árið 2012 átti 1 högg á  Rory McIlroy og Rickie Fowler fyrir lokahring mótsins. Örlögin höguðu því þó þannig að hann varð að fara í bráðabana við þá félagana og vann Fowler á 1. holunni með fugli.

Points hefir verið meðal efstu 100 á heimslistanum. Hann vann 2. titil sinn í gær á PGA mótaröðinni þegar hann sökkti 13 feta (4 metra) pútti á 72. holunni og bjargaði þar með pari og sigraði með 1 höggi!

Heimild: Wikipedia