![](https://www.golf1.is/wp-content/uploads/2011/12/Camilo-Villegas-Johnnie-Walker-Classic-Day-1_18852951-630x472.jpg)
Hver er kylfingurinn: Camilo Villegas? (I. hluti af III)
Kólombíski kylfingurinn Camilo Villegas er í uppáhaldi hjá mörgum. Hann þykir meðal kynþokkafyllstu kylfinga á túrnum og hefir m.a setið fyrir nakinn í ESPN Body Issue í frægu „köngulóarstöðu” sinni, sem hann fer í þegar hann skoðar púttlínuna. Hann hefir fremur lítið verið í fréttum á árinu, en virðist farinn að láta á sér kræla aftur. Hver er þessi kólombíski kyntröllskylfingur? Hér verður í III. hlutum fræðst nánar um hver kylfingurinn Villegas er:
Camilo Villegas fæddist 7. janúar 1982, í Medellin, í Kólombíu. Hann byrjaði að spila golf sem barn. Eftir margra ára keppni á barna- og unglingamótum, í Kólombíu 8-15 ára, varð hann fyrsti kylfingurinn í golfsögu Kólombíu til þess að taka Grand Slam áhugamanna í Kólombíu á sama árinu: Hann varð kólombískur meistari unglinga í höggleik og holukeppni og hann varð kólombískur meistari áhugamanna (National Amateur Championship) og sigraði á Colombian Open í flokki áhugamanna. Svo árið 2001 varð hann varð hann 2. kylfingurinn til þess að sigra Colombian Open sem áhugamaður. Hann var valinn kylfingur 10. áratugarins af kólombíska golfsambandinu.
Camillo í bandaríska háskólagolfinu
Camilo fór í University og Flórída í Gainesville á golfskólastyrk, þar sem hann spilaði í golfliði Buddy Alexander Florida Gators í mótum National Collegiate Athletics Association (NCAA) á árunum 2001-2004. Á 1. ári sínu 2001, var Villegas hluti af sigurliði Gators. Á háskólaárum sínum í golfinu var hann valinn nýliði ársins á Southeastern Conference (SEC) 2001 og kylfingur ársins á SEC, 2002 og 2004 og All-American 4 ár í röð (2001, 2002, 2003, 2004). Camilo Villegas útskrifaðist frá University of Florida með BA gráðu í viðskiptafræði. Eftir útskrift hefir Camilo varið miklum tíma á Mark Bostick golfvelli University of Florida, þegar hann dvelur á heimili sínu í Gainesville.
Ýmislegt um Camillo
Camilo var valinn kynþokkafyllsti kylfingur af Golf Digest í júní 2006 og var Tiger jafnvel meðal þeirra sem í kjöri voru (en hann var ótrúlega vinsæll á þeim tíma). Camilo er þekktur fyrir mikla líkamsrækt og segir innblástur sinn og læriföður vera Gary Player. Þeir hafa m.a. leikið í þekktri auglýsingu saman fyrir greiðslukortafyrirtæki.
Heimild: Wikipedia
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:30 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn
- júlí. 23. 2024 | 16:00 Afmæliskylfingur dagsins: Harris English —- 23. júlí 2024
- júlí. 23. 2024 | 12:06 Opna breska 2024: Hvað var í sigurpoka Xander Schauffele?