Hvaða ungu kylfingum (u. 23 ára) ætti að veita athygli 2023? Caleb Surrat (10/10)

Caleb Surrat þykir eitt mesta efnið í bandarísku golfi – er sem stendur nr. 1 á heimslista áhugamanna.

Hann er fæddur 16. júlí 2003 og því aðeins 19 ára.

Surrat er frá Indian Trail í Norður-Karólínu og er fyrstubekkingur í University of Tennessee.

Þar vann hann fyrsta háskólamótið sitt  64-63-65 og átti 3 högg á næsta mann. Nokkrum vikum síðar spilaði hann í  Butterfield Bermuda Championship á PGA Tour og átti 2. hring upp á 64, sem kom honum í gegnum niðurskurð. Hins vegar lék hann 3. hringinn á 85 höggum (þar sem hann fékk m.a. 12 högg á eina holu) en kom tilbaka á sunnudeginum, með skor upp á 65 högg.

Hann er aðeins einn af 5 kylfingum á sl. 40 keppnistímabilum til þess að vera með 20 högga mun milli daga í móti – en að sama skapi er hann líka sá eini sem er með 20 högga bætingu milli hringja í einu móti PGA Tour.

Þetta er skemmtileg staðreynd. Hún kastar samt engum skugga á feril Surrat, sem hefir náð að sigra á sumum helstu mótunum í unglingagolfinu í Bandaríkjunum þ.á.m. Junior PGA Championship 2021 og Western Junior 2021. Surrat var einnig í 2. sæti í US Junior Amateur 2022.  Hann fékk að taka þátt í Butterfield á PGA Tour með því að sigra Elite Amateur Cup, sem er úthlutaður þeim kylfingi sem vinnur sér inn flesta punkta í 7 af virtustu unglingamótum í Bandaríkjunum. Hann varð m.a. í 2. sæti í Pacific Coast Amateur og í 3. sæti í Northeast Amateur. Surrat er mikill framtíðarkylfingur og vert að fylgjast vel með honum!

Mynd: PGA of America