Ragnheiður Jónsdóttir | júlí. 29. 2012 | 12:15

Hvaða klúbbur á Íslandi á flesta kylfinga sem komust í gegnum niðurskurð á Íslandsmótinu í höggleik? – Nokkrar skemmtilegar staðreyndir

Það eru 65 golfklúbbar starfandi á landinu (sérklúbbar eru ekki taldir hér s.s. golfklúbbur flugfreyja og flugþjóna, golfklúbbur fatlaðra, golfklúbbur einherja o.s.frv.).

Nú stendur yfir stærsta golfmótið, sem haldið er á Íslandi, 4. mótið á Eimskipsmótaröðinni, Íslandsmótið í höggleik. Það voru 123 kylfingar í karlaflokki og 27 í kvennaflokki sem hófu mótið, en í gær komust 76 karlar og 18 konur í gegnum niðurskurð.

Skyldu það alltaf vera stóru klúbbarnir sem standa sig best?

Fyrst mætti geta lítillar staðreyndar um að enginn af þátttakendum í karlaflokki (reyndar kvennaflokki líka) úr stærsta golfklúbbnum á Norðurlandi, Golfklúbbi Akureyrar (5) komust í gegnum niðurskurð en allir þátttakendur (3) úr Golfklúbbi Selfoss, Golfklúbbi Borgarness (2) og Golfklúbbi Dalvíkur (1), svo dæmi séu tekin.

Hvaða klúbbur skyldi nú eiga flestu kylfingana í karlaflokki, sem komust í gegnum niðurskurð?  Þegar það er skoðað kemur í ljós að þar á Golfklúbbur Reykjavíkur vinninginn eða 20 kylfinga í karlaflokki; næstur kemur Golfklúbburinn Keilir með 12 og skýtur þar með stærri klúbbum í landinu ref fyrir rass s.s. GKG, sem reyndar er í 3. sæti með 10 kylfinga og GO með 2 kylfinga.

Það sem er frábært er að bestu kylfingar landsins koma langt frá því allir af höfuðborgarsvæðinu (þó hlutfallslega komi flestir þaðan: 7 af 9 klúbbum á höfuðborgarsvæðinu eiga fulltrúa) –

Og það er breidd í því hvaðan bestu kylfingarnir koma, þar sem þeir koma úr 20 mismunandi klúbbum (og dreifast því bestu kylfingar landsins í karlaflokki á tæpan 1/3 allra golfklúbba á landinu).

Hér má sjá niðurstöður þessarar óformlegu könnunar um hvaða golfklúbbar eigi flesta kylfinga í karlaflokk, sem komust í gegnum niðurskurð á Íslandsmótinu í höggleik:

GR: 20   26%

GK: 12   16%

GKG: 10  13%

GKJ: 6   7.8%

NK: 4    5,3%

GOS: 3   3,9%

GSE: 3     3,9%

GB:  2    2,6%

GKB: 2   2,6%

GO: 2  2,6%

GS: 2   2,6%

GV: 2   2,6%

GHD:  1     1,3 %

GHG:  1    1,3 %

GHR: 1     1,3 %

GÍ: 1          1,3 %

GJÓ:  1     1,3 %

GL:  1        1,3 %

GN:  1       1,3 %

GÓ: 1        1,3 %

Hjá konunum er auðveldara að taka saman þessa tölfræði. Kvenkeppendurnir 18, sem komust í gegnum niðurskurð komu úr eftirfarandi klúbbum:

GR: 7  39%

GK: 4  22%

GKG: 3  17%

GL:  1  5,5 %

GKJ: 1 5,5 %

GO: 1  5,5 %

GS: 1  5,5 %

Ath. skekkja er í  prósentutölum vegna gróflegrar námundunar en ekki nákvæms útreiknings, sem þó breytir engu varðandi heildarniðurstöðuna.

Þegar allir keppendur eru teknir saman sést að staðan er óbreytt; Golfklúbbur Reykjavíkur á flesta keppendur, sem komust í gegnum niðurskurð á Íslandsmótinu í höggleik 2012 eða 27 (20 karla + 7 konur) og Golfklúbburinn Keilir næstflesta eða 16 (12 karla og 4 konur). Í  3. sæti er síðan GKG með 13 keppendur (10 karla + 3 konur).