
Hvað er heitt og hvað afleitt í golfinu?
Í byrjun hverrar viku tekur Alan Shipnuck, golfpenni Sports Illustrated saman lista yfir það sem honum finnst heitt og afleitt í golfinu eftir mót helgarinnar … og eftir þessa helgi er af nógu að taka. Það sem vekur athygli þessa vikuna er fall Yani af nr. 1 á lista hans yfir það sem er heitt, í nr. 1 á lista þess sem honum þykir afleitt. En hér fer listinn í lauslegri þýðingu:
HEITT:
1. Tom Lewis. Tom hinn ungi er stjarna Opna breska meðal áhugamannanna. Nú þegar hann er orðinn atvinnumaður þurfti hann ekki nema 3 stört á Evrópumótaröðinni til að landa fyrsta sigrinum á Portugal Masters í síðustu viku. Jeminn, maður finnur hversu ungir kylfingar eru þegar Rory McIlroy lítur út eins og eldri embættismaður.
2. Webb Simpson. Það er svalt að hann spilaði á Sea Island til þess að skapa spennu um hver vinnur peningatitlinn (á PGA). Það er jafnvel enn meira svalt að hann spilaði upp á A (í einkunn) og stal næstum sigrinum.
3. Na Yeon Choi. Hin smáa NYC (NYC, líka stytting á New York City) / hún getur ekki vegið meira en 50 kíló, en hún er eitt (risastórt) hjarta. Eftir að hún fékk skramba á 2. holu í Malasíu leit út fyrir að þessu væri lokið fyrir hana, en Choi spilaði síðustu 13 holurnar á -5 undir pari og vann Yani Tseng, sem er yfirburðarkylfingur meðal kvenna.
4. Disney. Lokamótið á PGA Tour býður alltaf upp á mikið drama, á botni peningalistans en í ár er aðalspennan á toppnum. Og ólíkt FedEx Cup þá þarf maður ekki að kunna á metra-kerfið til þess að fylgjast með þessu móti. (Innskot: Úff – Bandaríkjamönnum væri nær að læra á metra-kerfið).
5. Freddy (Couples). Ho hum, bara svona lítill sunnudagssigur með einn hring upp á 62 högg. Hefir einhver nokkurn tímann látið svona erfiðisverk líta jafnauðveldlega út? Ég er ekki bara að tala um golf, heldur allt.
AFLEITT
1. Yani (Tseng). Hún þurfti að setja niður 6 metra pútt fyrir fugli á lokaholunni en púttaði of stutt (endaði 1/2 metra frá holu). Já, það eru svona miklar kröfurnar sem gerðar eru til Tseng: hún verður nú að ná þessum púttum niður hvert sinn.
2. Greg Norman. Fyrirliði alþjóðaliðs Presidents Cup heldur áfram skítkasti á Tiger. Veit hann ekki að þetta er ein leiðin til þess að tryggja að Tiger spili vel í Ástralíu?
3. Paul Casey. Hann dró sig úr mótinu á Sea Island og þar með lauk versta keppnistímabili Englendingsins. Það er ekki svo langt síðan að Casey var besti kylfingur Englands. Nú er hann 4. í röðinni að krúnunni. Kannsti sá 5. að því gefnu hvernig Tom Lewis er að brillera.
4. Michael Thompson. Þessi 25 ára nýliði spilaði frábært golf í 71 holu á Sea Island — á einum stað í tímanum s.l. sunndag var hann með 3 högga forystu — en á 72. holu sló hann hræðilegt slice í hindrunina og fékk skolla sem varð til þess að hann komst ekki í umspil við Ben Crane og Webb Simpson.
5. Tiger Woods. Það eru miklar líkur á því að eftir Disney-mótið falli Tiger út af topp-125 á peningalista PGA. Það skiptir engu máli – Tiger er þegar kominn með lífstíðarkeppnisrétt eftir 20. sigur sinn á PGA fyrir nokkrum tímaskeiðum síðan – en þetta er bara það síðasta sorglega í hnignun eins besta kylfings sögunnar.
- janúar. 22. 2021 | 11:58 Brooke Henderson endurnýjar samning við PING
- janúar. 22. 2021 | 10:00 PGA: Hagy sem kom í stað Jon Rahm leiðir e. 1. dag American Express
- janúar. 22. 2021 | 08:00 LPGA: Kang í forystu e. 1. dag Diamond Resorts TOC
- janúar. 21. 2021 | 19:30 Evróputúrinn: Rory efstur e. 1. dag í Abu Dhabi
- janúar. 21. 2021 | 18:00 Tiger ekkert of hrifinn af nýrri heimildarmynd um sig
- janúar. 21. 2021 | 15:49 Afmæliskylfingur dagsins: Davíð og Jónas Guðmundssynir og Rósa Ólafsdóttir – 21. janúar 2021
- janúar. 21. 2021 | 10:00 Orð Justin Thomas eftir að Ralph Lauren rifti styrktarsamningi við hann
- janúar. 20. 2021 | 16:00 Afmæliskylfingur dagsins: Silja Rún Gunnlaugsdóttir – 20. janúar 2021
- janúar. 20. 2021 | 10:00 Paulina Gretzky talar um samband sitt við DJ
- janúar. 20. 2021 | 09:30 Thorbjørn Olesen með Covid-19
- janúar. 20. 2021 | 07:30 Spurning hvort Olympíuleikarnir fari fram 2021?
- janúar. 20. 2021 | 07:00 Haraldur Júlíusson látinn
- janúar. 20. 2021 | 06:00 GM: 40 ár frá stofnun GKJ
- janúar. 19. 2021 | 19:00 GA: Veigar hlaut háttvísibikarinn 2020
- janúar. 19. 2021 | 18:00 Paige Spiranac segir Tiger ekkert skrímsli þrátt fyrir framhjáhald