Hvað er heitt og hvað afleitt?

Nú í sumar hefir verið í gangi  greinarflokkur hér á  Golf 1 sem ber heitið „Hvað er heitt og hvað afleitt?“, sem er í raun bein þýðing og stæling á sambærilegum greinaflokki hjá CBSsports.com, sem heitir þar „What´s hot and what not … on the PGA tour.“  Greinarflokkurinn verður í gangi allt þar til síðustu leikir á Íslandsbankaröðinni hafa verið leiknir fyrstu vikuna í september og hefur síðan aftur göngu sína á næsta sumri 2015, þegar mótaraðir okkar bestu hefja göngu sína, enda greinarröðinni ótrúlega vel tekið.

Á CBS er alltaf getið um 5 atriði (kylfinga, atburði, eitthvað innan golfheimsins), sem þykja hafa skarað fram úr í vikunni áður en greinin birtist og er þ.a.l. heitt og að sama skapi eitthvað sem var afleitt í vikunni þar á undan.

Í hinum íslenska greinaflokki er ekkert loforð gefið um fjölda þess sem er heitt eða afleitt að öðru leyti en því að alltaf er a.m.k. nefnt 1 atriði af hvoru og í mesta lagi 5 eins og á CBS.   Haldið er sömu röð og hjá CBS – það sem er nr. 1 er heitast og síðan volgnar niður listann.  Alveg eins með það sem er afleitt – það sem er frámunalega afleitt er í 1. sæti og síðan skánar eftir því sem fer niður listann.

Heitt/afleitt grein  birtist alltaft á mánudögum nú í sumar – reyndar á þriðjudegi nú vegna Verzlunamannahelgarinnar.

Hér fer tíundi alíslenski „Hot“ listinn fyrir vikuhlutann 28. júlí – 4. ágúst  (Listinn gildir til mánudagsins 11. ágúst):

1. sæti  Heitasti kylfingur vikunnar er Kristján Þór Einarsson,  GKJ Íslandsmeistari í holukeppni 2014 og sigurvegari Einvígisins á Nesinu. Kristján Þór er sjóðandi heitur, sem sést m.a. á því að hann hefir tvisvar verið í efsta sæti á „Hot-listnum.“

2. Hlynur Geir Hjartarson, GOS er heitur vegna glæsispils á Einvíginu á Nesinu, þar sem hann fékk m.a. æðislegan örn á 7. braut Nesvallar og átti frábært innáhögg inn á 8. braut.

3. Sigurvegararnir á Verzlunahelgarmótaröðunum. Heitir!!!

4. sæti Karl Ólafsson, GSG og Elvar Aron, GHG eru heitir vegna þess að þeir fengu ása; Karl  á 2. braut Kirkjubólsvallar og Elvar Aron á 7 . braut Gufudalsvallar.

5. sæti Guðmundur Arason, GR,  fyrir að vera á bessta skorinu á Loftleiðir Open.  Glæsilegur!!!

 Það sem er afleitt er eftirfarandi: (Listinn tekur til vikuhlutans  28. júlí – 4. ágúst)

1.-5. Allt hernaðarbrölt úti í heimi. ( – Reyndar er þetta algilt og ofangreind tímamörk taka ekki til þess heldur er allt hernaðarbrölt afleitt alltaf, en e.t.v. sérstaklega  m.t.t. síðustu viku þegar sést hvernig púðurtunnan í Ísrael getur sprungið við morð á 3 einstaklingum) Það hefir haft í för með sér heilt stríð og yfir 1800 fallnir í stríði Ísrael við Hamas, þar af um 400 börn og yfir 700 börn særð. Hvar endar þetta? Það sem er afleitt í þessu sambandi er að allir geti ekki leikið sér og spilað golf eins og við hér á Íslandi.  Skoðið heitt/afleitt greinarnar og sjáið hvað mannsfallið hefir aukist viku eftir viku. AFLEITT!!! Af hverju getur allt þetta fólk ekki verið lifandi enn og spilað golf?