Hovland náði ekki inn á PGA

Norski frændi okkar Viktor Hovland komst ekki inn á PGA Tour … eftir Wyndham Championship,

Hann hefði þurft að landa 2. sætinu eða a.m.k. vera einn jafn einum öðrum í 2. sæti til þess að það hefði gengið eftir …. sem gekk ekki.

Hann endaði í 4. sætinu, enn önnur glæsiframmistaða hans í þeim 5 PGA Tour mótum, sem hann hefir tekið þátt í, en það dugði ekki til.

Hann hefir ekki sigrað í neinu mótanna eins og aðrir frábærir nýliðar á borð við Matthew Wolff og Collin Morikawa hafa gert, sem tryggðu sér þar með kortin sín á PGA Tour.

Samt lagði Hovland allt í lokahring Wyndham Championship, en besta frammistaða hans til þessa, 65 högg dugðu ekki til.

Það er samt ekki öll nótt úti enn fyrir Hovland því með glæsiframmistöðu sinni hefir hann áunnið sér rétt á að taka þátt í hinu 3 móta Korn Ferry Finals.

Efstu 25 á peningalistanum úr Korn Ferry Finals fá þátttökurétt á PGA Tour.

„Ég hef spilað ansi sólíd, verið bara mjög stöðugur,“sagði Hovland að Wyndham loknu. „Hef átt nokkra góða hringi, nokkur lág skor en aðallega bara verið stöðugur. Það gefur mér fullt af sjálfstrausti inn í umspilið [Korn Ferry Finals] vegna þess að það eru 3 mót og ég veit að ef ég næ að spila minn leik, ætti ég að ná í gegn.“