Höndin á Jamie Donaldson illa farin eftir vélsagarslys

Kylfingurinn góði Jamie Donaldson frá Wales lenti í slæmu slysi í frítíma sínum milli keppnistímabila.

Jamie Donaldson

Honum var búið að ganga svo vel í desember s.l. sigraði m.a. á Thaílandi og tryggði sér þ.á.m. keppnisrétt á Opna breska og Masters.

Donaldson var m.a. hetja Ryder bikars liðs Evrópu en hann tryggði Evrópu vinningsstigið gegn liði Bandaríkjanna í Ryder keppninni á Gleneagles 2014.

Jamie Donaldson tvítaði eftirfarandi:

„So folks in my time off decided to have a fight with a chainsaw and lost! Oops!! C u in Dubai“

(Lausleg þýðing: Jæja gott fólk í frítíma mína ákvað ég að fara í slag við vélsög og tapaði! Úps! Sjáumst í Dubai“).

Eins og sést á tvítinu virðist Donaldson ætla að sleppa móti vikunnar á Evrópumótaröðinni í Abu Dhabi og snúa ekki aftur til keppni fyrr en í byrjun febrúar n.k. á  Dubai Desert Classic. Donaldson sigraði þó í mótinu í Abu Dhabi árið 2013 og virðist kunna vel við sig á eyðimerkurgolfvöllum, en skiljanlega er erfitt að spila með fingurinn allan krambúleraðan og gott hjá Donaldson að taka sér frí!