HM áhugamanna stytt í 54 holu mót vegna veðurs – Íslenska karlalandsliðið í 28. sæti fyrir lokahringinn

„Strákarnir okkar“ Axel, Haraldur Franklín og Rúnar luku 2. hring í morgun en leik var frestað í gær vegna myrkurs, en mótið hafði þar áður verið frestað um 6 tíma vegna veðurs.

Haraldur Franklín, GR, spilaði best allra í íslenska liðinu, lauk 2. hring á 1 undir pari, 71 höggi og er búinn að spila á samtals á 3 yfir pari, 146 höggum (75 71) og er sem stendur í 66. sæti fór upp um heil 33 sæti með hringnum glæsilega í gær, sem lauk í morgun.

Axel, GK, er búinn að spila best allra í liðinu í heildina tekið er á samtals sléttu pari, 143 (69 74) – ath. skal að spilað er á tveimur golfvöllum!!! Hann fór þó niður á skortöflunni vegna hringsins upp á 2 yfir pari í gær – var í 24. sæti en er nú í 43. sæti.

Rúnar, GK, er að spila langt undir getu í mótinu er í 121. sæti á samtals 9 yfir pari, 152 höggum (76 76). Væntanlega er mótið þó góð reynsla og þyrfti að senda þessa frábæra kylfinga okkar á mun fleiri svona mót erlendis til að þeir hljóti tilhlýðilega leikreynslu.

Ákveðið hefir verið að stytta heimsmeistaramót áhugamanna í 54 holu mót og verður lokahringurinn spilaður í dag. Tvö bestu skorin telja og fyrir lokahringinn nú á eftir eru „strákarnir okkar“ í 28. sæti.

Golf 1 óskar þeim Axel, Haraldi Franklín og Rúnari góðs gengis!

Til þess að fylgjast með strákunum á heimsmeistaramóti áhugamanna þar sem keppt er um hinn fræga Eisenhower Trophy SMELLIÐ HÉR: