Hjartaþeginn Erik Compton hlaut kortið á PGA

Tvöfaldur hjartaþegi Erik Compton vann sér inn kortið sitt á PGA Tour  fyrir næsta keppnistímabil, þegar hann lauk keppni í gær í 13. sæti á peningalista Nationwide Tour.  Það eru 25 efstu á peningalista Nationwide Tour, sem hljóta keppnisrétt á PGA 2012. Compton er alls búinn að sanka að sér $239,737 í verðlaunafé á árinu, en stærstur hluti þess kom í hans hlut í júní s.l. sumar þegar hann vann fyrsta mótið sitt, Mexico Open á Nationwide. Hinn 31 ára Compton hefir spilað á 30 PGA mótum en aldrei tekist að tryggja kortið sitt áður.  Reyndar var hann á tímabili alls ekki viss um að hann myndi geta verið atvinnumaður í golfi, hvað þá á PGA Tour.

„Þetta er kraftaverk” sagði Compton. „Þetta er virkilega kraftaverk, sem mér hefir tekist.”

Compton greindist 9 ára með cardiomyopathy, sem er stækkun hjartans, sem skerðir hæfileika þess til þess að pumpa blóði. Árið 1992, þ.e. 3 árum síðar fékk Compton nýtt hjarta.  Hann þarfnaðist síðan annars hjartagjafa 2008 þegar fyrra hjarta hans gaf sig.

Compton byrjaði í golfi eftir fyrstu hjartaígræðsluna, bara til þess að koma sér í form. En það snerist upp í svo miklu, miklu meira fyrir hann.

„Þessi leikur (golfið) hefir verið slík endurhæfing á lífinu fyrir mig; þegar ég spilaði gat ég bara ekki hugsað um erfiðleika mína,” sagði hann.

Compton fékk annað bakslag í sumar eftir að hann spilaði á AT&T National á PGA Tour s.l. júlí, þegar líkami hans hafnaði gjafahjartanu, en læknar náðu því aftur á strik með aukinni lyfjagjöf. Hann tók sér margra vikna frí og barðist við að komast aftur í fyrra form, sem ekki hefir tekist þar til nú nýlega.

Compton deildi 18. sætinu með öðrum í móti helgarinnar á Nationwide Tour, sem er besti árangur hans frá því hann sigraði í Mexikó í sumar.

„Ég kom hingað og alveg til loka var ég pirraður vegna þess að mig langaði til að spila vel og vera með á toppnum,” sagði Compton. „Í loks dags erum við allir perfektionistar, þ.e. fullkomnunarsinnar.”

Heimild: CBS Sports