Higginlooper nýtt golfhugtak? – Fyrstu ráshópar í Solheim Cup 2013 kynntir

John Higginlooper demókrataríkisstjóri Colorado notaði tækifærið og hélt frábæra opnunarræðu á Solheim Cup, þar sem hann bauð lið Evrópu og Bandaríkjanna velkomin til hins eins fallegasta ríkis Bandaríkjanna, Colorado, sem fremur er þekkt fyrir flottar skíðabrekkur, en er alltaf meira og meira að koma inn á golfkortið.

Frekar eftirtektarvert eftirnafn sem ríkisstjóri Colorado ber og í raun kjörið nafn á pólítíkus, því engin hætta er á að maður með slíkt nafn gleymist.

Meg Malone, fyrirliði liðs Bandaríkjanna, stóðst ekki mátið og hló hjartanlega í ræðustól og sagðist aldrei hafa getað ímyndað sér að standa í ræðustól 2013 og bera fram yfir varir sínar nafn á borð við Higginlooper!!!  Þvílíkt æðislegt nafn í golfi!!!  Þegar hún kynnti kylfuberana, sagði hún að þeir yrðu líklega kallaðir „Higginloopers“ það sem eftir væri keppninnar!!!

Ráshópar í fjórmenningum (ens. foursomes) föstudagsmorgunsins voru skv. hefð kynntir eftir að Liselotte Neumann, fyrirliði liðs Evrópu og Meg Malone höfðu kynnt lið sín.

Leikmenn, sem leika í fyrstu leikjum keppninnar eru eftirfarandi (tími gefinn upp skv. staðartíma – bæta við 6 tímum til þess að fá íslenskan tíma)

1. 7:40 (ísl. tími 13:40)  Anna Nordqvist og Caroline Hedwall g. Stacy Lewis Lizette Salas

2. 7: 52   (ísl. tími 13:52) Suzann Petterson og Beatriz Recari g.  Britney Lang og Angela Stanford

3. 8:04  (ísl. tími 14:04)  Matthew og Jodi Eward  Shadoff g. Morgan Pressel og Jessica Korda

4. 8:16  (ísl. tími 14:16)  Azahara Muñoz og Karine Icher  g. Christie Kerr og Paula Creamer