Heimslistinn: Rory niður í 6. sæti

Fyrrum nr. 1 á heimslistanum Rory McIlroy er fallinn niður í 6. sæti heimslistans.

Sigurvegari Tour Championship og nr. 1 á FedEx stigalistanum, sænski kylfingurinn Henrik Stenson er hins vegar kominn upp í 4. sæti heimslistans og er það, það hæsta sem hann hefir komist.  Eins hækkar Steve Stricker sig meðal efstu 10; fer úr 9. sætinu í 7. sætið. 

Stenson ætlar nú að taka sér 4 vikna frí áður en hann keppir á lokamóti Evrópumótaraðarinnar, en hann er nú efstur á peningalista þeirrar mótaraðar (Race to Dubai) og mun reyna að verða efstur á peningalistum beggja vegna Atlantsála eins og Luke Donald tókst á undan honum (2011) og nr. 6 á heimslistanum, Rory McIlroy í fyrra (2012).

„Þetta (að sigra á lokamóti Evrópumótaraðarinnar) er það næsta á dagskrá,“ sagði Stenson, sem eins og segir er efstur á Race to Dubai; Graeme McDowell (í 2. sæti); og Justin Rose (í 3. sæti). „Blessunarlega á ég heilan mánuð núna þar sem ég get hvílt mig og notið þessarar ótrúlegu velgengni.“

Sjá má heimslistann í heild með því að SMELLA HÉR: 

Efstu 10 á heimslistanum eru annars þessir:

1. sæti Tiger Woods  13.22 stig

2. sæti Adam Scott 9,25 stig

3. sæti Phil Mickelson  8,52 stig

4. sæti Henrik Stenson 8,23 stig

5. sæti Justin Rose  7,78 stig

6. sæti Rory McIlroy 7,50 stig

7. sæti Steve Stricker 6,87 stig

8. sæti Matt Kuchar 6,64 stig

9. sæti Brandt Snedeker 6,27 stig

10. sæti Jason Dufner 6,07 stig