Heimslistinn: Phil Mickelson kominn í 10. sætið

Við sigurinn á Waste Management Phoenix Open s.l. helgi fer Phil Mickelson úr 22. sæti í 10. sæti heimslistans nú í þessari viku og er því á nýjan leik kominn meðal heimsins bestu 10 kylfinga.

Brandt Snedeker sem varð í 2. sæti á mótinu fer úr 7. sæti heimslistans í það 6. og er það, það hæsta sem hann hefir komist á heimslistanum. Við þetta færist Adam Scott úr 6. sætinu í það 7.

Staða efstu manna á heimslistanum er að öðru leyti óbreytt: 1. sæti Rory McIlroy (12.23 stig); 2. sæti Tiger Woods (9.15 stig); 3. sæti Luke Donald (7.76 stig); 4. sæti Justin Rose (6,53 stig); 5. sæti Louis Oosthuizen (6.52 stig); 6. sæti Brandt Snedeker (6.25 stig); 7. sæti Adam Scott (5.96 stig); 8. sæti Lee Westwood (5.61 stig); 9. sæti Bubba Watson (5.26 stig) og Phil Mickelson (5.24 stig):

Stephen Gallacher sem sigraði á Omega Dubai Desert Classic um helgina fór úr 111. sætinu í 60. sætið og getur með góðum árangri næstu 3 vikurnar hugsanlega unnið sér þátttökurétt í fyrsta sinn á the Masters risamótið.

Til þess að sjá heimslistann í heild SMELLIÐ HÉR: