Ragnheiður Jónsdóttir | maí. 7. 2013 | 11:25

Heimslistinn: Ernst upp um 1084 sæti

Nýliðinn á PGA Tour, Derek Ernst, 22 ára, er svo sannarlega hástökkvari vikunnar á heimslistanum, sem birtur var í gær.   Ernst var nr. 1207 á heimslistanum, en fór upp um 1084 sæti í 123. sætið!

Fyrir sigurinn á Wells Fargo mótinu fær hann auk stórbættrar stöðu á heimslistanum, meira en 100 milljónir íslenskra króna fyrir sigurinn, keppnisrétt í 2 ár á PGA Tour, auk þátttökuréttar á WGA-Bridgestone mótið, PGA Championship mótið, Tournament of Champions og the Masters risamótið 2014.

Ástralinn Brett Rumford var nr. 237 á heimlistanum fyrir 2 vikum en eftir 2 sigra í röð á Evrópumótaröðinni er hann nú lentur í 76. sætinu.

Litlar breytingar eru meðal efstu 10 á heimslistanum, Tiger enn efstur og röð annarra heldur sér að mestu, nema hvað Phil Mickelson hafði sætaskipti við Matt Kuchar, er nú í 10. sæti en Kuchar dottinn niður um 1 sæti er í 11. sæti.

Staða efstu manna á heimslistanum er eftirfarandi: 

 

1. Tiger

 

2. Rory McIlroy

 

3. Adam Scott

 

4. Justin Rose

 

5. Luke Donald

 

6. Brandt Snedeker

 

7. Louis Oosthuizen

 

8. Graeme McDowell

 

9. Steve Stricker

 

10. Phil Mickelson

Til þess að sjá heimslistann í heild SMELLIÐ HÉR: