Ragnheiður Jónsdóttir | febrúar. 9. 2021 | 18:00

Harrington með Covid-19

Fyrirliði liðs Evrópu í Rydernum, írski kylfingurinn Padraig Harrington, hefur sagt sig úr AT&T Pebble Beach Pro-Am eftir að hafa greinst með Covid-19.

Harrington tók þátt í Phoenix Open í síðustu viku, en verður núna að undirgangast einangrun.

Kóreanski kylfingurinn Bae Sang-moon tekur sæti hans á Pebble Beach mótinu, sem að þessu sinni fer á tveimur völlum í stað þriggja s.s. venja er fyrir.

Mótið hefur þurft að gera breytingar vegna heimsfaraldursins, þar sem Pro-Am hlutanum var m.a. aflýst vegna Covid-19 samskiptareglna.

Í stað þess að keppt sé á þremur völlum í ár fer mótið fram á Pebble Beach og Spyglass Hill, þar sem niðurskurðurinn verður eftir 36 holur í stað 54.

Nr. 1 á heimslistanum, Dustin Johnson, sem er nýkominn aftur heim til sín í Bandaríkjunum eftir að hafa fagnað sigri á Evrópumótaröðinni í Sádi Arabíu, hefur einnig dregið sig út úr mótinu.