Ragnheiður Jónsdóttir | ágúst. 3. 2020 | 20:00

Haraldur Franklín sigraði í Einvíginu á Nesinu 2020

Það var Haraldur Franklín Magnús, GR, sem stóð uppi sem sigurvegari á Einvíginu á Nesinu 2020, en hann ásamt Andra Þór Björnssyni, GR stóð uppi síðastur af einhverjum bestu 10 kylfingum landsins, sem hófu keppni.

Þeir sem tóku þátt í ár í Einvíginu á Nesinu eru í þeirri röð sem þeir duttu úr þessari 24. Shoot-out keppni Einvígisins á Nesinu: Axel Bóasson, GK (10. sæti); Ólafur Björn Loftsson, GKG og NK (9. sæti);  Ólafía Þórunn Kristinsdóttir, GR (8. sæti); Guðrún Brá Björgvinsdóttir, GK (7. sæti); Bjarki Pétursson, GB (6. sæti);   Björgvin Sigurbergsson, GK (5. sæti);  Jóhanna Lea Lúðvíksdóttir, GR (4. sæti); Hákon Örn Magnússon, GR (3. sæti);  Andri Þór Björnsson, GR (2. sæti) og Haraldur Franklín Magnús, GR (sigurvegari – 1. sæti).

Í fyrsta skipti í sögu mótsins náðist ekki að fá beinan styrktaraðila að mótinu, sem rekja má til ástands í þjóðfélaginu undanfarna mánuði. Stjórn Nesklúbbsins tók þá ákvörðun að halda mótið engu að síður og þá eingöngu í nafni NESKLÚBBSINS. Tekið var á móti frjálsum framlögum frá félagsmönnum sem og öllum kylfingum, öðrum landsmönnum og fyrirtækjum sem vildu styrkja COVID deild Landspítala Íslands.

Einvígið í ár var þannig leikið í þágu VONAR. VON er félag til styrktar skjólstæðingum gjörgæsludeildar E6 á Landspítalanum í Fossvogi. Félagið var stofnað af hjúkrunarfræðingum gjörgæsludeildarinnar og allt starfsfólk deildarinnar tekur þátt í starfsemi félagsins. Hornsteinn að verkum VONAR er að styðja og styrkja skjólstæðinga deildarinnar og þar ber fremst að nefna aðstandendaherbergi deildarinnar. Öll framlög runnu óskert til VONAR.

Vegna COVID var engum áhorfendum heimilaður aðgangur að viðburðinum, en fjölmiðlar voru velkomnir.

Sigurvegarar frá upphafi:

Magnús Lárusson hefur sigrað oftast í Einvíginu á Nesinu en hann sigraði þrívegis í röð 2004-2006. Ragnhildur Sigurðardóttir, Björgvin Sigurbergsson, Birgir Leifur Hafþórsson og Kristján Þór Einarsson hafa öll sigrað tvívegis á þessu skemmtilega móti.

1997: Björgvin Þorsteinsson (1)
1998: Ólöf María Jónsdóttir (1)
1999: Vilhjálmur Ingibergsson (1)
2000: Kristinn Árnason (1)
2001: Björgvin Sigurbergsson (1)
2002: Ólafur Már Sigurðsson (1)
2003: Ragnhildur Sigurðardóttir (1)
2004: Magnús Lárusson (1)
2005: Magnús Lárusson (2)
2006: Magnús Lárusson (3)
2007: Sigurpáll Geir Sveinsson (1)
2008: Heiðar Davíð Bragason (1)
2009: Björgvin Sigurbergsson (2)
2010: Birgir Leifur Hafþórsson (1)
2011: Nökkvi Gunnarsson (1)
2012: Þórður Rafn Gissurarson (1)
2013: Birgir Leifur Hafþórsson (2)
2014: Kristján Þór Einarsson (1)
2015: Aron Snær Júlíusson (1)
2016: Oddur Óli Jónasson (1)
2017: Kristján Þór Einarsson (2)
2018: Ragnhildur Sigurðardóttir (1)
2019: Guðmundur Ágúst Kristjánsson (1)

Í aðalmyndaglugga: fv. Sigurvegarinn í Einvíginu á Nesinu 2020 – Haraldur Franklín Magnús – til hægri við hann Jóhanna Lea Lúðvíksdóttir, sem var efst af kvenþátttakendum mótsins – bæði í GR. Mynd: Bragi Valgeirsson, RÚV.