Ragnheiður Jónsdóttir | júní. 18. 2013 | 18:10

Haraldur Franklín á 71

Haraldur Franklín Magnús,  GR, Guðmundur Ágúst Kristjánsson, GR og Axel Bóasson, GK, taka þátt í Opna breska áhugamannamótsins sem hófst í gær á Royal Cinque Ports og Prince’s völlunum í Englandi. Þátttakendur eru 288 frá 29 löndum.

Haraldur Franklín er að standa sig best íslensku þátttakendanna. Í gær var hann í 13. sæti eftir að hafa spilað völlinn á 1 yfir pari, 72 höggum.  Í dag bætti hann sig enn um 1 högg, var á sléttu pari, 71 höggi.  Hann er sem stendur í 9. sæti en nokkrir eiga eftir að ljúka leik og geta því sætistölur raskast (frá því þetta er ritað kl. 18:00)

Guðmundur Ágúst Kristjánsson, GR, bætti sig um heil 9 högg var á 80 höggum í gær en spilaði á sléttu pari, 71 höggi í dag líkt og Haraldur Franklín. Guðmundur Ágúst er sem stendur í 145. sætinu

Axel Bóasson, GK, er ekki að finna sig í mótinu.  Hann lék á 81 höggi í gær og bætti sig líka stórlega í dag og munaði 8 höggum milli daga. Hann var á 73 höggum í dag og er sem stendur í 219. sætinu.

Það eru aðeins 64 af 288, sem komast áfram gegnum niðurskurð og spila holukeppni síðari hluta mótsins og hlýtur sigurvegarinn þátttökurétt á Opna breska.

Til þess að sjá stöðuna eftir 1. dag á Opna breska áhugamannamótinu SMELLIÐ HÉR: