Hanse Golf Course Design fær að hanna Ólympíugolfvöllinn

Skipulagsnefnd  fyrir Ólympíuleikana og Paralympic leikanna í Ríó 2016™ hefir valið Hanse Golf Course Design til þess að hanna golfvöllinn í Ríó de Janeiro fyrir Ólympíuleikanna 2016, en á þeim velli verður í fyrsta sinn spilað golf sem keppnisíþrótt á Ólympíuleikunum í 112 ár.

Hanse Golf Course Design var valið af 8 úrslitakandídötum sem til greina komu í lokin. Tillagan þótti best vegna þess að hún tók mið af náttúrulegum fyrirbærum og náttúrulegum útlínum landsins, sem byggja á völlinn á.

Gilbert Hanse, stofnandi og forseti fyrirtækisins, sem notið hefir mikillar velgengni, hefir hannað fjölda frábærra golfvalla sem viðurkenndir eru af atvinnu- jafnt sem áhugakylfingum. Félagi Hanse Golf Course Design í hönnuninni á Ólympíuvellinum er LPGA- og frægðarhallarkylfingurinn Amy Alcott. Alcott sigraði 29 sinnum á LPGA og munu þau vinna náið saman að hönnuninni. Hanse hefir skuldbundið sig til þess að flytja til Ríó meðan verið er að hanna golfvöllinn.

Sjá má grein Golf 1 um þá 8 sem eftir stóðu og sóttust eftir að fá að hanna Ólympíugolfvöllinn í Ríó með því að smella hér:  GREIN UM ÞÁ SEM SÓTTU UM AÐ FÁ AÐ HANNA ÓLYMPÍUGOLFVÖLLINN Í RÍÓ 

Heimild: europeantour.com