Gus Andreone 103 ára – sá elsti til að fá ás!!!

Gus Andreone er elsti félagi í PGA of America og nú sá elsti til þess að fara holu í höggi, eða 103 ára!!!

Gus er búinn að vera félagi í PGA of America í 75 ár.

Gus náði ásnum s.l. miðvikudag í  Palm Aire Country Club, í Flórída, en þetta er 8. ás Gus á ferlinum.  Við draumhöggið notaði Gus dræver á par-3 14. holu Lakes golfvallar klúbbsins, en brautin er 113 yarda (þ.e. 103 metra).

„Kraftaverkin gerast enn af og til“ sagði Gus á vefsíðu PGA of America (sjá grein PGA of America með því að SMELLA HÉR:) Gus sagði jafnframt að hann hefði sigrað í Pennsylvania Lottery 1082 og hefði þess utan sigrað tvívegis í the Fantasy Five Lottery í Flórida.

Gus, 103 ára, spilar golf 3 sinnum á viku og spilar oft á aldri sínum.  Síðasti ás, fyrir þennan nú á miðvikudaginn kom fyrir 24 árum þ.e. árið 1990 (á 17. holu Lakes golfvallarins). Gus fór í fyrsta sinn holu í höggi í upphafi seinni heimstyrjaldarinnar þ.e. árið 1939 þá 28 ára.

Fyrra aldursmet átti Elsie McLean, sem var 102 ára þegar hún setti niður teighögg sitt árið 2007.