Guðrún Brá var frábær á ZO ON mótinu í dag!!!
Ragnheiður Jónsdóttir | júlí. 9. 2015 | 19:00

Guðrún Brá með eina sigur Íslands g. Wales

Íslenska kvennalandsliðið í golfi endaði í 19. sæti í höggleikskeppninni á Evrópumóti landsliða sem fram fer í Danmörku. Ísland leikur í C-riðli í framhaldinu á mótinu en þjóðunum var skipt upp í þrjá riðla eftir höggleikskeppnina, A (8 þjóðir, B (8 þjóðir) og C (5 þjóðir).
Fimm bestu skorin af alls sex í hverri umferð töldu í höggleikskeppninni:

Staðan:
Guðrún Brá Björgvinsdóttir, 72-76
Sunna Víðisdóttir, 70-72
Heiða Guðnadóttir 93-86
Anna Sólveig Snorradóttir 79-81
Ragnhildur Kristinsdóttir 82-78
Karen Guðnadóttir 80-80
Sunna Víðisdóttir endaði í 13. sæti í höggleikskeppninni.

Ísland mætti Wales í dag í holukeppninni en Slóvakía og Lúxemborg eru einnig í C-riðli.  Skemmst er frá því að segja að íslenska kvennalandsliðið tapaði fyrir liði Wales 4 – 1 og var Guðrún Brá Björgvinsdóttir sú eina sem vann sína viðureign við Katherine O´Connor 3&2. Sjá má stöðuna í holukeppninni með því að SMELLA HÉR: 

Kvennalandslið endaði í 16. sæti á síðasta Evrópumóti og var hársbreidd frá því að leika í A-riðli. Nokkrar breytingar eru á liðinu í ár þar sem Ólafía Þórunn Kristinsdóttir Íslandsmeistari í golfi er ekki lengur gjaldgeng þar sem hún er atvinnukylfingur. Þrír nýliðar eru í liðinu; Anna Sólveig Snorradóttir (GK), Heiða Guðnadóttir (GM) og Karen Guðnadóttir (GS) en þær Karen og Heiða eru systur. Guðrún Brá Björgvinsdóttir (GK), Ragnhildur Kristinsdóttir (GR) og Sunna Víðisdóttir (GR) voru allar með í fyrra í keppninni þegar leikið var í Slóveníu.
Þjálfari liðsins er Björgvin Sigurbergsson og liðsstjóri/sjúkraþjálfari er Hulda Soffía Hermannsdóttir.,

Kvennalandsliðið keppir á Helsingör golfvellinum, sem er einn af þeim elstu í Danmörku. Leikið er ýmist af fremri og aftari teigum, og er heildarlengd vallarins í mótinu 5361 metri. Mótið fer fram 7.- 11. júlí. Í mótinu keppa 21 þjóðir, og verður raðað í A, B og C riðil (8, 8 og 5 þjóðir) eftir 36 holu höggleik.

Í dag var sem segir leikin holukeppni, þjóð gegn þjóð. Í A riðli eru leiknar tvær umferðir á dag, fjórir fjórmenningar fyrir hádegi og fimm tvímenningar eftir hádegi. Í B og C riðli er leikin ein umferð á dag, einn fjórmenningur og fjórir tvímenningar.