Guðmundur og Haraldur náðu ekki inn á Opna breska

GR-ingarnir Guðmundur Ágúst Kristjánsson og Haraldur Franklín Magnús tóku þátt í úrtökumóti fyrir Opna breska risamótið.

Opna breska fer fram á þessu ári á Royal Portrush, dagana 18. – 21. júlí 2019.

Skemmst er frá því að segja að hvorki Guðmundur Ágúst né Haraldur komust inn á Opna breska í gegnum úrtökumótið en aðeins 3 efstu hlutu þátttökurétt.

Þeir sem komust úr Prince´s úrtökumótinu á Opna breska eru þeir Curtis Knipes (áhugamaður ) og Callum Shinkwin, sem báðir léku á samtals 9 undir pari og Austin Connelly, sem lék á samtals 8 undir pari, en leiknir voru tveir 18 holu hringir.

En það eru ekki bara Guðmundur og Haraldur sem ekki komust úr Prince´s úrtökumótinu á Opna breska; mörg önnur stór nöfn í evrópska golfinu komust ekki t.a.m. David Howell og Julian Suri , sem báðir léku á samtals 7 undir pari, hvor; franski kylfingurinn Gregory Bourdy, sem lék á samtals 3 undir pari og Matthew Southgate og Sam Horsfield, sem drógu sig úr mótinu.

Sjá má úrslitin á úrtökumótinu á Princes með því að SMELLA HÉR: