Guðrún Brá í 4. sæti á Írlandi

Í dag spiluðu stúlkurnar 6 úr Keili, þær: Anna Sólveig Snorradóttir, Hildur Rún Guðjónsdóttir, Saga Ísafold Arnarsdóttir,Högna Kristbjörg Knútsdóttir, Guðrún Brá Björgvinsdóttir og Sara Margrét Hinriksdóttir á Opna írska U-18 mótinu á golfvelli Roganstown Hotel & Country Club í Meath Co., Írlandi.

Efri röð fv.: Anna Sólveig Snorradóttir, Hildur Rún Guðjónsdóttir og Saga Ísafold Arnarsdóttir. Neðri röð fv.: Högna Kristbjörg Knútsdóttir, Guðrún Brá Björgvinsdóttir og Sara Margrét Hinriksdóttir, Mynd: Keilir

Fyrirkomulagið er svipað og í bandaríska háskólagolfinu, þ.e. leiknar voru 36 holur í dag og lokahringurinn verður spilaður á morgun.

Þrjár efstu eftir hringina 2 í dag halda áfram og spila lokahringinn á morgun.  Sú sem stóð sig best var  Guðrún Brá Björgvinsdóttir, sem varð í 4. sæti og fer hún út í næstsíðasta hollinu á morgun.  Guðrún Brá spilaði hringina 2 á samtals 149 höggum (73 76) og er í 4. sæti. Eftir fyrri hringinn var hún í 2. sæti.

Saga Ísafold Arnarsdóttir varð T-41 þ.e. deildi 41. sæti með 2 öðrum stúlkum, spilaði á samtals 165 höggum (87 78)  og Anna Sólveig Snorradóttir varð í 49. sæti á samtals 168 höggum (82 86) og eru báðar komnar áfram.

Sú sem er efst er annar af undratvíburunum írsku Leona Macguire, en hún er búin að spila á samtals 141 höggi (72 69).

Golf 1 óskar Keilisstúlkunum góðs gengis á morgun!

Til þess að sjá stöðuna í Opna írska U-18 mótinu smellið HÉR: