GSG: Hagnaður 7,3 milljónir 2011 – töluverðar breytingar á stjórn á aðalfundi 1. febrúar s.l.

Aðalfundur Golfklúbbs Sandgerðis fór fram 1. febrúar 2012 og mættu um 30 félagsmenn á fundinn. Töluverð endurnýjun varð í stjórn GSG. Formaðurinn Sigurjón Gunnarsson gaf kost á sér til áframhaldandi starfa og var hann einróma kosin til eins árs.

Ársreikningar voru samþykktir með 7,3 milljóna kr.- hagnaði og skýrist það einna helst á styrk frá Sandgerðisbæ vegna vélakaupa en klúbburinn keypti vélar fyrir 6,3 milljónir kr.- Félagafjöldi stóð nánast í stað á milli ára en skráðir félagar í GSG eru í dag 211 en það er svipaður fjöldi og hefur verið síðustu ár.

Almenn hækkun á félagsgjöldum var samþykkt 5.000 kr.- og fer þá einstaklingsgjald fullorðna í 50.000 kr.- Hjónagjald fer í 70.000 og 67 ára og eldri greiða 25.000 kr.- Nokkur umræða var um kostað við áburðarkaup og lagt var til að sendur yrði út  valgreiðsluseðill  uppá 2.500 kr.- til að standa straum af áburðakaupum.

Kosið var um tvo stjórnarmenn til tveggja ára og þeir sem kosnir voru eru: Erla Jóna Hilmarsdóttir og Ásgeir Eiríksson. Hafþór B. Birgisson gaf ekki kost á sér áfram og í hann stað var kosinn Kristinn E. Jónsson til eins árs. Varamenn voru kosnir: Sigríður Erlingsdóttir og Sigurður Kristjánsson

Stjórn GSG er skipuð eftirfarandi:
Formaður: Sigurjón Gunnarsson, aðrir;  Erla Jóna Hilmarsdóttir, Ásgeir Eiríksson, Skafti Þórisson, Kristinn E. Jónsson.Varamenn voru kosnir Sigríður Erlingsdóttir og Sigurður Kristjánsson.

Þeir sem hættu í stjórn voru Benedikt Gunnarsson, Sturla Þórðarson og Hafþór B. Birgisson. Þessum aðilum voru þökkuð góð störf í gegnum árin en þess má geta að Benedikt er búinn að sitja í stjórn GSG nánast frá stofnum klúbbsins.

Heimild: golf.is