GS: Karen kylfingur ársins 2014!

Karen Guðnadóttir var kjörinn kylfingur ársins hjá Golfklúbbi Suðurnesja á aðallfundi 8. desember 2014, en hún átti frábært keppnistímabil og endaði sem stigameistari GSÍ árið 2014.

Karen varð m.a. klúbbmeistari kvenna í GS 2014.

Karen klúbbmeistari 2014

Á Eimskipsmótaröðinni í ár (2014) byrjaði Karen vel á heimavelli sínum, Hólmsvelli í Leiru en hún varð í 3. sæti í kvennaflokki, í því úrhelli sem mótið fór fram í; lék samtals á 24 yfir pari (82 77 81).

Á 2. mótinu (Gullmótinu) á Hellu varð Karen í 3.-7. sæti á samtals 16 yfir pari.

Á 3. mótinu í Borgarnesi (Símamótinu) varð Karen í 7. sæti og í 4. mótinu sem var Íslandsmótið í holukeppni og fram fór á Hvaleyrarvelli í Hafnarfirði keppti Karen til úrslita um Íslandsmeistaratitilinn, en hafnaði í 2. sæti.

Á 5. mótinu (Íslandsmótinu í höggleik), sem fram fór á Leirdalsvelli hjá GKG, varð Karen í 5. sæti á samtals 23 yfir pari og á 6. mótinu sem fram fór á Garðavelli á Akranesi varð Karen í 3. sæti á samtals 15 yfir pari.

Karen varð loks í 2. sæti á 7. og síðasta mótinu á Eimskipsmótaröðinni sem fram fór á Jaðrinum (Goðamótinu) á samtals 18 yfir pari (75 75 81).

Glæsilegt ár hjá Karen sem aldrei varð neðar en í 7. sæti á Eimskipmótaröðinni í kvennaflokki í ár … og frábær kylfingur í alla staði,  þar sem Karen er!!!