Gríðarlegir yfirburðir hjá stelpunum okkar á Smáþjóðaleikunum

Íslenska kvennalandsliðið í golfi heldur sínu striki á Smáþjóðaleikunum en annar keppnisdagur af alls fjórum fór fram í dag.

Leikið er á Korpúlfsstaðavelli hjá Golfklúbbi Reykjavíkur / Sjórinn og Áin.

Guðrún Brá Björgvinsdóttir er efst í kvennaflokknum á -4 samtals en hún lék á -1 í dag eða 71 höggi.

Guðrún átti frábæran lokakafla þar sem hún fékk þrjá fugla í röð á síðustu þremur holunum.

Guðrún er með sex högga forskot á Sophie Sandolo frá Mónakó sem er á +2 samtals en hún hefur leikið báða hringina á 73 höggum.

Karen Guðnadóttir er í þriðja sæti á +6 (77-73) og Sunna Víðisdóttir er þar á eftir á +8 (74-78).

Í liðakeppninni, þar sem tvö bestu skorin í hverri umferð telja, er íslenska liðið með gríðarlegt forskot – eða 24 högg.

Ísland er samtals á -1 eftir tvær umferðir, Mónakó kemur þar á eftir á +23 samtals og Lúxemborg er í þriðja sæti á +45.

Til þess að sjá stöðuna í kvennaflokki á Smáþjóðaleikunum SMELLIÐ HÉR: