Nýr legsteinn reistur á leiði Arnaud Massy í Edinborg

Hver í ósköpunum er Arnaud Massy kunna sumir að spyrja?

Massy er 19. aldar kylfingur og verður nánar kynntur í nýrri 10 greina framhaldsgreinaröð sem Golf 1 er að fara af stað með um kylfinga 19. aldar.

Frakkinn Arnaud Massy (f. 6. júlí 1977 – d. 16. apríl 1950)  er frægastur fyrir að hafa verið fyrsti kylfingurinn utan Bretlands til þess að sigra á Opna breska.  Það var árið 1907, en þá vann hann mótið með 2 höggum á Royal Liverpool.

Nú nýverið var Massy aftur í fréttunum vegna þess að nýr legsteinn hefir verið reistur á leiði hans í Newington kirkjugarðinum, í Skotlandi, sem vonast er til að verði viðkomustaður golfpílagríma.

Frá athöfninni við grafreit Arnaud Massy nú um helgina – Á myndinni sést Pierre-Alain Coffinier halda ræðu.

Helgiathöfn fór fram þar sem m.a. franski konsúlinn í Edinborg, Pierre-Alain Coffinier hélt ræðu. Meðal þeirra sem voru viðstaddir athöfnina voru fulltrúar frá R&A, British Golf Collectors Society, fulltrúar the 
European Association of Golf Historians and Collectors og Hugh Henderson, frændi Massy.

„Vonandi munu margir kylfingar gera sér pílagrímsferð hingað,“ sagði Coffinier m.a. í ræðu sinni. „Arnaud Massy var einn af mestu meisturum golfsins og við erum mjög stolt af því að honum sé sýndur slíkur heiður í Skotlandi, þar sem golf upprunið.“