GR: Úrslit í Opnunarmóti Korpu

Á heimasíðu GR er eftirfarandi frétt:

„Fyrsta mót sumarsins fór fram í dag, laugardaginn 21. apríl, á sólríkum en jafnframt köldum degi. Seinka þurfti leik um klukkustund sökum næturfrosts, sem var um 7 í morgun, -6 gráður. Þrátt fyrir það tóku  172 manns þátt í mótinu og voru keppendur sammála um að völlurinn kæmi virkilega vel undan vetri  og væri í frábæru standi.

Leikin var punktakeppni og veitt verðlaun í tveimur forgjafarflokkum, fgj. 0-8,4 og fgj. 8,5-36, einnig voru veitt nándarverðlaun á öllum par 3 holum vallarins.

Kylfingar eru beðnir um að vera vakandi fyrir fréttum hér á síðu klúbbsins varðandi opnunartíma vallarins vegna hugsanlegs næturfrosts. Þá verður mögulega rástímum riðlað eitthvað eins og í dag og verðum við því að vera tillitsöm gagnvart því.

Korpúlfsstaðavöllur er því formlega búinn að opna og geta kylfingar skráð sig sem fyrr á www.golf.is, en aðeins félagsmenn GR geta leikið völlinn þar til Grafarholtsvöllur opnar.

Úrslitin voru eftirfarandi:

Forgjafarflokkur 0-8,4
1. sæti:  Árni Freyr Sigurjónsson, 20 punktar (betri á síðustu 6)
2. sæti:  Ernir Sigmundsson, 20 punktar
3. sæti:  Jóhann Sigurðsson, 37 punktar (betri á seinni 9)

Forgjafarflokkur: 8,5-36
1. sæti:  Berglind Þórhallsdóttir, 39 punktar (betri á síðustu 6)
2. sæti:  Stefán Pálsson, 39 punktar
3. sæti:  Gunnar Rúnar Magnússon,  37 punktar

Nándarverðlaun:
3. braut: Árni Freyr Sigurjónsson – 4,49 m
6. braut: Hafsteinn Viðar Jensson – 2,39 m
9. braut: Helga Hilmarsdóttir – 1,88 m
13. braut: Rakel Kristjánsdóttir – 0,11 m
16. braut: Stefán B Gunnarsson – 1,26 m“

Heimild: GR