GR og GM gestgjafar Íslandsmótsins 2019 og 2020

Mótanefnd GSÍ samþykkti tillögu þess efnis að Íslandsmótið 2019 færi fram hjá Golfklúbbi Reykjavíkur og Íslandsmótið 2020 færi fram hjá Golfklúbbi Mosfellsbæjar. Þessi tillaga var samþykkt og staðfest á stjórnarfundi GSÍ þann 22. ágúst síðastliðinn.

Íslandsmótið í golfi fór síðasta fram hjá GR árið 2013 en Íslandsmótið hefur aldrei áður farið fram á Hlíðavelli hjá Golfklúbbi Mosfellsbæjar. Íslandsmótið 2018 fer fram hjá Golfklúbbi Vestmannaeyja eins og áður hefur komið fram.

Fyrr á þessu ári óskaði mótanefnd GSÍ eftir umsóknum um Íslandsmótið í höggleik fyrir árin 2019 og 2020. Umsóknir komu frá nokkrum klúbbum í þessi mót sem er vel og greinilegt að það er mikill metnaður meðal golfklúbba á Íslandi að fá að halda stærsta mót sem haldið er á Íslandi á hverju ári.

Texti og mynd: GSÍ