GR: Marólína Erlendsdóttir púttmeistari GR-kvenna 2012!
Á heimasíðu GR, grgolf.is er eftirfarandi frétt:
„Lokahóf GR kvenna fór fram með bravúr sl. föstudagskvöld (9. mars 2012) og mátti engan veginn á milli sjá hver skemmti sér betur, enda samstaðan í hópnum að verða mikil og góð eftir vetrarpúttið. Veglegar veitingar í bland við skemmtun og margskonar glaðning gerði kvöldið eftirminnilegt.
Ástæða er til að þakka öllum sem komu að undirbúningi kvöldsins fyrir vel unnin störf, en eins og fyrri daginn vinna margar hendur létt verk.
Það sama á ekki við um sjálft golfið því þar vinna aðeins tvær hendur erfitt verk, nefnilega að koma blessuðum boltanum í sem fæstum höggum ofan í holu.
Og talandi um holurnar; það var Marólína Erlendsdóttir sem fór á fæstum höggum og hampaði titlinum Púttmeistari GR kvenna 2012.
Meðfylgjandi er lokastaðan eftir 8 púttkvöld.
Kærar þakkir fyrir vetrarstarfið. Nú fer að vora í hugum og hjörtum kylfinga. Fyrstu teikn um vorkomuna er Reglukvöldið okkar sem haldið verður nk miðvikudag, 14.mars í Golfskálanum Grafarholti kl. 20. Þar munu Hinrik og Þorsteinn Svörfuður fara yfir breytingar á golfreglum sem tóku gildi um síðustu áramót. Sýnd verða myndbönd og tekin „kvenleg“ dæmi af aðstæðum sem upp geta komið. Það er okkur öllum mikilvægt að vera með reglurnar á hreinu og seint hægt að segja að fólk tapi á því að kunna þær. Við hvetjum sérstaklega þær sem eru nýbyrjaðar í golfinu til að mæta.
Kær kveðja
Kvennanefnd GR kvenna“
Golf 1 óskar Marólínu innilega til hamingju með þennan frábæra árangur og heiðursnafnbótina í púttunum!
- júlí. 27. 2024 | 09:00 European Young Masters: Ísland í 16. sæti fyrir lokahringinn
- júlí. 27. 2024 | 07:00 Íslandsmót golfklúbba: GV Íslandsmeistari í 2. deild karla
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:40 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn