GR: Keppni, kæti og engin læti á Öskudagspúttmóti GR-kvenna í gær!

Á heimasíðu GR er skemmtileg frétt frá Öskudagspúttmóti GR-kvenna:

„Gleðin skein úr andlitum GR kvenna í Korpunni í gærkvöldi. Sannkölluð öskudagsstemmning sveif yfir holum og ótrúlegur fjöldi bolta rataði sína beinustu leið.  Mörg flott skor, það besta 28 högg á hringnum.

Eins og vanalega var mætingin með besta móti og má sannarlega segja að þröng hafi verið á þingi í húsakynnum klúbbsins, svo mikil að konur þurftu að skáskjóta sér hver á milli annarrar til að munda pútterinn. Það breytti þó ekki því að stemmningin var einstök enda ekki ónýtt að spila skemmtilegasta leik í heimi. klæddar furðufatnaði í byrjun föstu.  Stelpurnar gáfu ekkert eftir í kvöld og fyrir vikið er spennan ennþá engu lík; aðeins munar einu höggi á tveimur efstu konum og þar á eftir raða sér fjöldi kvenna með litlu lakari árangri. Það verður spennandi að sjá hvernig tveimur næstu kvöldum lyktar, en aðalatriði er að halda í góða stemmningu og þjappa þessum myndarlega hópi saman.  Það er okkur í nefndinni sérstakt ánægjuefni að sjá hversu margar konur sjá sér fært að setjast niður eftir pútt og spjalla saman um heima og geima. Andrúmsloftið er afslappað og elskulegt, enda þótt konur séu nýbúnar að keppa hverjar við aðra. Svona á þetta að vera; keppni, kæti og engin læti :)“

Kvennanefnd GR minnir á skemmtikvöldið, föstudaginn 9. mars n.k.

Hér má sjá stöðuna eftir 6 mót (4 bestu skor telja):

1. sæti Nanna Björg Lúðvíksdóttir  116 pútt
2. sæti  Marólína Erlendsdóttir  117 pútt
3. sæti  Guðný Ósk  123 pútt
4. sæti  Auðbjörg Erlingsdóttir  124 pútt
5. sæti  Margrét Snæbjörnsdóttir  125 pútt
5. sæti  Ingibjörg Sigurþórsdóttir 125 pútt
7. sæti  Margrét Eyrún Birgisdóttir 126 pútt
7. sæti  Linda Metúsalemsdóttir  126 pútt
7. sæti  Sigríður M. Kristjánsdóttir  126 pútt
10. sæti  Inga Jóna Stefánsdóttir  127 pútt
10. sæti  Stella Hafsteinsdóttir  127 pútt
10. sæti  Rut Hreinsdóttir 127 pútt
10. sæti  Margrét Halldórsdóttir 127 pútt
10. sæti  Lára Eymundsdóttir 127 pútt
10. sæti  Björg Cortes 127 pútt
10. sæti  Signý Marta Böðvarsdóttir 127 pútt

Sjá stöðuna á púttmótaröð GR-kvenna í heild með því að smella HÉR.