GR Íslandsmeistari golfklúbba í telpnaflokki 15 ára og yngri

Íslandsmót golfklúbba hjá stúlkum og drengjum 15 ára og yngri fór fram á Strandarvelli á Hellu dagana 23.-25. júní 2021. Alls tóku 9 lið frá 10 golfklúbbum alls þátt. Framkvæmd mótsins tókst vel á flottum Strandarvelli og voru keppendur klúbbum sínum til sóma.

Golfklúbbur Reykjavíkur (Grafarholt) og Golfklúbbur Mosfellsbæjar (1) léku til úrslita um Íslandsmeistaratitilinn þar sem að GR hafði betur.

Sameiginlegt lið Golfklúbbs Akureyrar og Golfklúbbs Skagafjarðar enduðu í þriðja sæti eftir sigur gegn Golfklúbbi Kópavogs og Garðabæjar (1).

Lið GR – Grafarholt var þannig skipað:

Helga Signý Pálsdóttir
Perla Sól Sigurbrandsdóttir
Pamela Ósk Hjaltadóttir
Þóra Sigríður Sveinsdóttir
Brynja Dís Viðarsdóttir