Ragnheiður Jónsdóttir | ágúst. 25. 2014 | 17:00

GR: Ingibjörg Halldórsdóttir og Jón Karlsson sigruðu á Opna styrktarmóti Odda fyrir UNICEF

Opið styrktarmót Odda fyrir UNICEF var haldið á Korpúlfsstaðavelli sunnudaginn 24. ágúst. Um 97 kylfingar tóku þátt í mótinu að þessu sinni. Leikfyrirkomulag mótsins var punktakeppni og höggleikur. Nándarverðlaun voru veitt á þremur par 3 holum í mótinu. En sú nýbreytni var tekin upp á 17. holu ef kylfingur mundi fara „holu í höggi“ þá myndi Oddi styrkja UNICEF á Íslandi um eina milljón króna. Því miður gekk það ekki eftir í þetta skipti. Engu að síður frábær hugmynd hjá Oddamönnum.

Úrslit úr mótinu má sjá hér að neðan.

Punktakeppni:
1.    Sæti: Ingibjörg Halldórsdóttir GR 43 punktar
2.    Sæti: Ásgeir Ingólfsson GR 42 punktar (22 punktar á S9)
3.    Sæti: Eygló Grímsdóttir GR 42 punktar (17 punktar á S9)

Höggleikur:
1.    Sæti: Jón Karlsson GHG 72 högg
2.    Sæti: Guðmundur Rúnar Hallgrímsson GS 73 högg
3.    Sæti: Rafn Stefán Rafnsson GB 74 högg

Nándarverðlaun:
13. braut = Logi Tómasson 1,82 metrar
22. braut = Dagbjartur Björnsson 1,1 metar
25. braut = Snorri Páll 1,68 metrar

Golfklúbbur Reykjavíkur þakkar öllum keppendum þátttökuna og óskar vinningshöfum til hamingju með glæsilegan árangur. Vinningshafar geta vitjað vinninga á skrifstofu GR að Korpúlfsstöðum frá og með mánudeginum 25. ágúst. Skrifstofa okkar er opin alla virka daga frá kl.9:00 til 16:00.