GR: Glæsilegur hringur hjá Marólínu á púttmótaröð GR-kvenna – nýtt met, 27 högg!!!

Þriðjudaginn 28. febrúar í síðastliðinni viku fór fram mót á púttmótaröð GR-kvenna. Marólína Erlendsdóttir, GR,  setti nýtt vallarmet, 27 pútt, sem jafngildir -9 undir pari þ.e. 9 einpútt, sem er glæsilegt!  Á heimasíðu GR grgolf mátti lesa eftirfarandi um afrek Marólínu:

„Stemmningin meðal GR kvenna hélt áfram í Korpunni í gærkvöldi og ekkert lát á spennunni sem hefur verið við lýði frá fyrsta kvöldi. Nú eru neglurnar farnar að styttast á hverri kellu enda metin byrjuð að falla; vallarmet vetrarins var slegið í gærkvöldi, 27 högg – og skorið almennt sennilega betra en nokkru sinni. GR konur eru greinilega að komast í stuð og vorfiðringurinn farinn að segja til sín. Fyrrgreint vallarmet varð til þess að Marólína skaust uppí fyrsta sætið!  Spennan á toppnum er því næsta óbærileg fyrir síðasta púttmótakvöld sem verður nk miðvikudag.

Nota tækifærið og minni á Skemmtikvöldið 9.mars, skráning hafin á netfangi Eyglóar gjaldkera; amarejon@gmail.com. og svo því sem enginn má missa af, reglukvöldi með Hinna og Þorsteini Svörfuði miðvikudaginn 14. mars kl.20. Kaffi á boðstólnum !

Meðfylgjandi er staðan í dag:

1. sæti  Marólína Erlendsdóttir  114 pútt
2. sæti  Nanna Björg Lúðvíksdóttir  116 pútt
3. sæti  Guðný Ósk  123 pútt
3. sæti  Ingibjörg Sigurþórsdóttir 123 pútt
3. sæti  Inga Jóna Stefánsdóttir 123 pútt
6. sæti Auðbjörg Erlingsdóttir 124 pútt
7. sæti Margrét Snæbjörnsdóttir 125 pútt
7. sæti  Lára Eymundsdóttir 125 pútt
7. sæti  Stella Hafsteinsdóttir 125 pútt
10. sæti  Margrét Eyrún Birgisdóttir 126 pútt
10. sæti  Linda Metúsalemsdóttir 126 pútt
10. sæti  Sigríður M. Kristjánsdóttir 126 pútt
10. sæti  Margrét Karlsdóttir 126 pútt
10. sæti  Björg Cortes 126 pútt