GOS: Hlynur Geir kylfingur ársins og Alexandra Eir efnilegasti kylfingur GOS – Símon Leví hlaut háttvísibikarinn

Á aðalfundi Golfklúbbs Selfoss er hefð fyrir því að veita viðurkenningu fyrir Kylfing ársins, Efnilegasta kylfinginn, mestu lækkun forgjafar og Háttvísisbikar GSÍ, sem var gefinn af Golfsambandi Ísland til GOS á 40 ára afmæli klúbbsins 2001.

Hlynur Geir Hjartarson var valinn kylfingur ársins, en Hlynur varð stigameistari GSÍ 2012. Einnig setti Hlynur glæsilegt vallarmet í Meistaramóti GOS;  62 högg og um leið mótsmet Meistarmótsins eða 19 högg undir pari á fjórum hringjum.

Alexandra Eir Grétarsdóttir var valin Efnilegasti kylfingur GOS 2012. Alexandra hefur náð miklum framförum og árangri í sumar. Sigraði t.d á Áskorendamótaröð GSÍ 2012 og varð Klúbbmeistari GOS 2012 í kvennaflokki.

Alexandra fékk einnig bikar fyrir mesta lækkun forgjafar fyrir árið 2012 en hún lækkaði úr forgjöf 26,4 í 13,2 eða 12,9 högg sem er frábært. Alexandra er hluti af Framtíðarhóp GOS.

Þá fékk Símon Leví Héðinsson (á mynd hér að neðan í t.v. í grárri peysu) Háttvísisbikar GSÍ, en Símon hefur ná miklum framförum í sumar og er sannur heiðursmaður á golfvelli.   Heimild: gosgolf.is