Golfvellir í Þýskalandi: Golfanlage Warnemünde – (4/18)

Fjórði golfvöllurinn af þeim 18 sem kynntir verða hér á Golf 1 af 747 golfvöllum Þýskalands er Golfanlage Warnemünde, í Rostock, í Þýskalandi.

Enn erum við í Norður-Þýskalandi og færum okkur aðeins austar á bóginn.

Golfanlage Warnemünde var árið 2012 kjörinn besti golfáfangastaður Þýskalands.

Klúbbhús Warnemünde golfklúbbsins

Hann býður upp á 27 holu völl þar sem velja má um mismunandi samsetningu 9 holu brautanna, sem eru eftirfarandi:

Yachthafenresidenz Hohe Düne Course : (Holur 1-9 & Holur 10-18)
Hotel Neptun Course: (Holur 10-18 & Holur 19-27)
Grand Hotel Heiligendamm Course: (Holur 19-27 & Holur 1-9)

Ekki ósvipað og á Costa Ballena, en margir íslenskir kylfingar sem kannast við þann góða golfstað.

Auk þess býður Warnemünde líkt og Ballena upp á „byrjendavöll“ – Sá er 6 holu „alvöru“ völlur en ekki 9 holu par-3 völlur eins og á Ballena … færri holur en lengri brautir til að venja byrjandann við „alvöru“ golfspil.

Sjá má allar brautir 27-holu vallarins í Warnemünde með því að SMELLA HÉR: 

Sá sem slær af par-5 18. brautinni hefur sér á hægri hönd Skyline af Rostock Warnemünde – ótrúlega falleg sýn (Smá ráð: Það borgar sig að halda sig hægra megin á brautinni!)

Komast má á vefsíðu Golfanlage Warnemünde til þess að fá nánari upplýsingar með því að SMELLA HÉR: 

Helstu upplýsingar:

Heimilisfang: Golfanlage Warnemünde GmbH & Co Kg | Am Golfplatz 1 | 18119 Rostock-Warnemünde
Sími:  (0381) 77 86 83 0

Fax: (0381) 77 86 83 18
E-Mail: info@golf-warnemuende.de