Golfvellir í Sviss (5/102): Vuissens

Icelandair býður nú upp á beint flug til Genfar í Sviss og nú opnast frábært tækifæri fyrir íslenska kylfinga að spila einhvern hinna frábæru 102 golfvalla í Sviss.

Þess ber að geta að sé beint strik dregið í gegnum Sviss frá norðri til suðurs mælist landið einungis  220,1 km og frá austri til vesturs einungis 348, 4 km. Það er því fremur stutt að keyra á alla golfvellina frá Genf.

Í dag verður kynntur Vuissens golfvöllurinn, en keyrsla frá Genfarflugvelli  til Vuissens tekur 1 klst og 20 mínútur í gegnum fallegt svissneskt landsvæði að mestu meðfram Genfarvatni.

Frá Vuissens golfvellinum í Sviss

Vuissens golfvöllurinn er hannaður af golfvallararkítektinum Jerémy Pern.  Hann er í litlum svissneskum bæ, Vuissens, með einungis 160 íbúa nálægt höll frá 13. öld.  Völlurinn er 18 holu í 700 metra hæð yfir sjávarmáli, par-72 og 6179 metra langur af öftustu teigum.

Lokið var við gerð fyrstu 9 holanna árið 2001 og síðan bættust seinni 9 fljótt við árið 2002.

Þetta er skógarvöllur og í gegnum hann rennur á, sem kemur nokkuð við sögu á nokkrum holum.

Þetta er kjörinn golfvöllur fyrir þá sem vilja leita ró og næðis í litlum bæ og spila fjarri stórborgum.

Það kostar €74 (u.þ.b. 12.000 íslenskar krónur) að spila völlinn á virkum dögum og € 120 um helgar (u.þ.b. 19.000 íslenskar krónur).

Upplýsingar:

Heimilisfang: Golf-Club Vuissens – Rue du Château – 261486  – Vuissens – Sviss

Sími: + 41 024 4333300

Fax: + 41 024 4333304

Tölvupóstur: infos@golfvuissens.ch

Heimasíða: SMELLIÐ HÉR: