Golfvellir í Kanada (V): Shaughnessy

Icelandair bjóða nú upp á beint flug til tveggja nýrra áfangastaða í Kanada: Edmonton og Vancouver og þar opnast tækifæri fyrir íslenska kylfinga til þess að spila glæsilega golfvelli Kanada.

Í Kanada eru um 2000 golfvellir.  Þar af eru 233 í British Colombia og þar af eru 46 í næsta nágrenni Vancouver.  Golf 1 hefur þegar kynnt 1 af þessum  46 „Vancouver“ golfvöllum þ.e. Campilano Sjá með því að SMELLA HÉR: og í dag verður golfvöllur nr. 2 nálægt Vancouver kynntur, í Shaughnessy Golf & Country Club.

Í nýlegri grein Golf Digest var Shaughnessy talinn 6. besti golfvöllur af öllum 2000 golfvöllum Kanada og það vill einmitt svo til að Shaughnessy er í 3 mílu / 4,8 km fjarlægð frá miðbæ Vancouver. Til þess að sjá grein Golf Digest um 30 bestu golfvelli í Kanada SMELLIÐ HÉR: 

Upphaf Shaughnessy má rekja til 26. apríl 1911 þegar 9 bissnessmenn stofnuðu golfklúbb og ákváðu að kaupa land undir það sem síðar varð Shaugnessy golfvöllurinn. Í dag er Shaughnessy Golf & Country Club einkaklúbbur og golfvöllurinn, sem í núverandi mynd var opnaður 1960 til afnota fyrir meðlimi klúbbsins og gesti þeirra, (nú einnig þeirra sem vilja spila völlinn – en panta verður tíma með góðum fyrirvara). Völlurinn eins og hann er í dag er 18 holu skógarvöllur með fallegt útsýni yfir Fraser ánna og Strait of Georgia.

Á Shaughnessy golfvellinum hafa mörg Canadian og Pacific Northwest meistaramót farið fram t.a.m. 1966 og 2005 fór fram mót á PGA Tour mótaröðinni Bell Canadian Open og aftur 2011 (á 100 ára afmælinu) þar sem allir bestu kylfingar heims á PGA Tour léku völlinn.

Æfingaaðstaðan er talin meðal þeirrar bestu í öllu Vestur-Kanada, en það æfir m.a. háskólalið British Columbía.  Vallarmetið eru 10 undir pari, 63 högg af öftustu teigum, 6 undir pari, 64 högg af gulum teigum og 6 undir pari, 67 högg af bláum teigum.

Sjá má skorkort og flott kort yfir hverja holu vallarins með því að SMELLA HÉR: 

Upplýsingar:

Heimilisfang: Shaughnessy Golf & Country Club – 4300 S.W. Marine Drive – Vancouver, BC V6N 4A6

Sími:  (604) 266-4141

Fax: F: (604) 266-3522

Heimasíða: SMELLIÐ HÉR: