Golfvellir á Spáni: La Manga

La Manga golfvöllurinn í Cartagena á Spáni, er mörgum íslenskum kylfingum að góðu kunnur og ein þeirra, sem spilaði golf þar í vor ásamt fjölskyldu sinni er Inga Magnúsdóttir, margfaldur klúbbmeistari kvenna í GA og Íslandsmeistari í golfi, móðir Magga Birgis, golfkennara.

Inga Magnúsdóttir, GK. Mynd: Í einkaeigu

Meðal fjölmargra annarra íslenskra kylfinga, sem spilað hafa La Manga mætti t.d. nefna Tinnu Jóhannsdóttur, GK, en hún tók þátt í Q-school þ.e. úrtökumóti fyrir Evrópumótaröð kvenna á La Manga vellinum 8. janúar 2012.

Á La Manga í Cartagena eru 3, 18-holu golfvellir, suður-norður og vesturvöllurinn, sem allir eru afar ólíkir og einn 18 holu pitch&pútt æfingavöllur sem Severiano Ballesteros hannaði.

Öll æfingaaðstaða og æfingasvæði eru til mikillar fyrirmyndar og hefir La Manga verið sigurvegari í vali á besta golfstað Spánar 5 ár í röð af lesendum Today´s Golfer.

Robert D. Putnam hannaði norður (par-71) og suður-golfvöllinn (par-73), en að hönnun þess síðarnefnda (par-73) kom einnig Arnold Palmer.

Frá Suðurvellinum á La Manga í Cartagena, Murcia, Spáni, velli m.a. hönnuðum af Robert D. Putnam og sjálfri golfgoðsögninni Arnold Palmer.

Dave Thomas hannaði hins vegar vesturvöllinn (par-72).

Vesturvöllurinn þykir einn af 100 bestu golfvöllum Evrópu og allir La Manga golfvellirnir eru meðal 40 bestu golfvalla Spánar.

Hann er sá yngsti af völlunum 3, opnaði 1987. Brautirnar á Vesturvellinum eru ekki eins breiðar og á Norður- og Suðurvöllunum og landslagið meira bylgjandi og tíðnin meiri að týna boltum þar!  Sjá má myndskeið frá 9. holu Vesturvallar- ins á La Manga með því að SMELLA HÉR:    Sú hola þykir myndatökumanni m.a. minna á Wentworth í Englandi.

Frá Vesturvellinum á La Manga

Nákvæmni er dagskipunin á Vesturvellinum, en Vesturvöllurinn þó krefjandi sé, er reyndar uppáhald margra kylfinga vegna fagurs útsýnis m.a. af lokaholunni par-4 18. holunni, þar sem slegið er af upphækkuðum teig.

Best er að skoða vellina á heimasíðu La Manga golfklúbbsins með því að SMELLA HÉR:

Heimilisfang La Manga:

La Manga Club,
Los Belones,
30385 Cartagena,
Murcia,
Spáni.

Frá La Manga