Golfvellir á Spáni: í Cádiz – nr. 8 Almenara

Það er alltaf fullkominn tími til þess að fara í golf. Hvaða tíma árs og hvaða tíma dags… á Almenara… ef við bara gefum okkur tímann.

Golfstaðurinn býr yfir 27 holu glæsilegum golfvelli, þar sem hægt er að njóta 3 mismunandi samsetninga 18 holu valla (svipað og á Costa Ballena), sem allir eru par-72, þannig að hver golfleikur bíður upp á nýjar áskoranir fyrir kylfinga.

Brautirnar líðast um óviðjafnanlega náttúrufegurð, milli tveggja vatna og eru umgefnar furu- og kork eikartrjám og eins og sést á myndinni einstaka gullfallegu grátvíðistré, sem er strategískt haganlega fyrir komið!

Völlurinn var hannaður af golfvallarhönnuðinum fræga Dave Thomas og býður upp á krefjandi brautir jafnvel fyrir reyndustu kylfinga. Best er að skoða heimasíðu Almenara, þar er ákaflega góður vísir, sem leiðir mann í sannleikann um sérhverja braut á Almenara, ásamt myndum frá hverri braut og í sjálfu sér engu við það að bæta.

Til þess að komast á heimasíðu Almenara, smellið HÉR:  (farið neðst á Almenara´s hole-by-hole guide)

Aðrar upplýsingar um Almenara:

Heimilisfang: Avda. Almenara s/n Sotogrande. 11310. San Roque, Cádiz, Spánn.

Sími: +34 902 18 18 36

Tölvupóstfang:  info@sotogrande.com

Hótel Almenara sími: +34 956582000

Tölvupóstfang: almenara@sotogrande.com

Kaddý Master – Pro Shop sími:  +34 956582054
Tölvupóstfang: almenara.golf@sotogrande.com