Golfvellir á Spáni: í Cádiz nr. 10 – Vista Hermosa Club de Golf

Vista Hermosa golfvöllurinn er bara 9 holu golfvöllur og e.t.v. ekki 1. val Íslendinga eða annarra sem leggja leið sína til Spánar til að spila golf. En golfvöllurinn er eins og nafnið bendir til gullfallegur (hermosa á spænsku þýðir fallegur). Klúbbhúsið í Vista Hermosa er fallegt, sem og allt umhverfið í kringum það. Þeir sem búnir eru að fara 5-6 sinnum á sömu staðina verða ekki sviknir af þeirri tilbreytingu sem Vista Hermosa býður upp á og reyndar bara út af fyrir sig er þessi litli völlur upplifun, en til stendur að bæta öðrum 9 holum við.

Brautirnar á Vista Hermosa eru þröngar og það er e.t.v. Levante-„vindurinn“ sem pirrar suma kylfinga mest. Öðrum finnst hann notalegur sérstaklega á heitum dögum.

Par vallarins er 72 og hann er 6102 yardar af öftustu teigum.  Á vellinum er fjöldi trjáa (m.a. pálmatré) og vatnshindranir.

Golfvöllurinn opnaði árið 1975 og er hannaður af Progolf.  Staðsetning vallarins er á milli Jerez og norður af Cádiz nálægt El Puerto de Santa Maria.

Uppdráttur af Vista Hermosa.

Upplýsingar:

Til þess að sjá heimasíðu klúbbsins smellið HÉR: (því miður aðeins á spænsku)

Heimilisfang: Vista Hermosa Club de GolfUrb. Vista Hermosa, Casa Grande
E-11500 Puerto de Santa María-Cádiz, Spánn
Leiðarvísir

Símanúmer: +34 956 541 968
Fax: +34 956 875 604

Tölvupóstfang: info@vistahermosaclubdegolf.com