Golfvellir í Cádiz á Spáni: Arcos Gardens Golf Club & Country Estate (nr. 1 af 3)

Hér fer fyrsta kynningargrein um þennan mikla uppáhalds- og draumastað íslenskra kylfinga, en margir hafa verið svo heppnir að fá að spila þar. Óhætt er að segja að golfleikur á golfvelli Arcos sé ógleymanleg upplifun og hafa ferðir á völlinn verið vinsælar. T.a.m. er Arcos uppáhalds golfstaður Ragnhildar Sigurðardóttur, GR.

Arcos Gardens Golf Club & Country er tiltölulega nýr hann opnaði árið 2006.  Golfklúbburinn og hótelið er staðstett í 300 ára gömlum ólífutrjáarlundi, rétt hjá hvíta bænum Arcos de la Frontiera, en þaðan er stutt í sögulega staði á Spáni s.s. Jerez, þar sem m.a. er hægt að fara í Sherry-smökkun á einni af fjölmörgum sherry-verksmiðjum bæjarins. Eins er stutt til Granada, þar sem m.a. er hægt að skoða Alhambra kastalann eða höfuðborgar Andaluciu, Sevilla, þar sem m.a. má sjá Giröldu kirkjuna eða fara í rómantíska ferð í hestvagni um bæinn… eða fyrir forfallna kylfinga fara í enn meira golf.

Flestir vilja þó væntanlega njóta þess að dveljast á Arcos… og hvílast – því rólegt umhverfið er tilvalið til þess.

Gistimöguleikar á Arcos Gardens eru þrennskonar, en allir eru búnir sömu þægindunum og lúxus:

Cortijo – stemning er lík og á 300 ára gömlum spænskum búgarði.  Hér má sjá myndir:  CORTIJO

Fairway Gardens – Um er að ræða raðhús sem byggð hafa verið milli 1. og 9. braut golfvallarins. Hér má sjá myndir: FAIRWAY GARDENS

Villurnar – Hér má sjá myndir: VILLUR Á ARCOS

Fyrir bókanir á Arcos Gardens, svítur eða annað, vinsamlegast hringið í Hörð Hinrik Arnarson hjá Heimsferðum í síma 618-4300 eða sendið vefpóst á sport@heimsferdir.is