Golfútbúnaður: Slegið 9 metrum lengra með nýja TaylorMade Rocketballz 3-trénu!

TaylorMade Rocketballz Stage 2 brautartrén og björgunar hybrid kylfurnar 2013 eru væntanlegar á markað 1. febrúar 2013.

Nýja línan heitir Rocketballz Stage 2.

TaylorMade er við það að auglýsa að með Rocketballz Stage 2 3-trjánum muni verða hægt að slá boltann 10 yördum (9 metrum) lengra en með  RocketBallz 3-trjám síðasta árs, 2012. Árinu þar áður var lengdaraukningin 17 yardar (15,5 metrar). Þannig að viðbættum 10 yördunum á þessu ári verður hægt að slá u.þ.b. 25 metrum lengra með nýju TaylorMade brautartrjánum og blendingunum en sambærilegum kylfum frá árinu 2011.

En kylfurnar næstum auglýsa sig sjálfar og kylfingar sem hafa eitt sinn prófað Rocketballz vilja ógjarnan skipta á þeim. Tökum sem dæmi hina 60 ára Leslie Henrie frá Dallas, Texas. Hún var með skor upp á  75-76-73 í Central Texas Women’s Amateur og vann leikmenn sem oft á tíðum voru meira en helmingi yngri en hún. Hún sagði eftir mótið: „Það er ekki nokkur leið að þið fáið mig til að láta  RocketBallz brautartrén af hendi. Ekki sjéns. Þau hafa breytt leik mínum.“

Todd Beach, varaforseti R&D teymis (rannsókna og þróunarteymis) TaylorMade sagði að vinsældir kylfnanna væru vegna þess að í RocketBallz væri gengið eins langt og hægt væri í að nýta sér allskyns tækni til hagsbóta fyrir kylfinga.

Í Stage 2 kylfunum er lögð áhersla á aukinn leikanleika (ens. playability) og að auðvelt eigi að vera að koma boltanum í leik. Því er náð með lægri prófíl fyrir kylfuhausinn og lægri þyngdarpunkt.

Hægt verður að aðlaga loft kylfunnar um 1,5° á hvorn veg.

Í kylfuandlitið á brautartrjánum og blendingana er notað efni sem nefnist RocketSteel, sem er mjög sterkt en á sama tíma létt stál sem ljær kylfuandlitinu jafnframt meiri sveigjanleika.

Í sólanum á kylfunum er svokallaður hraðavasi (ens.: Speed Pocket).  Hann hefir verið bættur í ár og er ætlaður til þess að auka hraða boltans þannig að hann fari sem lengst.

Standard Stage 2 brautartrén kosta  $249 út úr búð í Bandaríkjunum (u.þ.b. 32.000 íslenskar krónur)  og eru fáanleg með lofti upp á 15, 17, 19, 21 og 22 gráður. Aðlaganlega TP gerðin kostar hins vegar $279  (u.þ.b. 36.000 íslenskar krónur) og er fáanleg í  13, 14.5, 16.5 og 18.5°