Golfútbúnaður: Nýi Puma Cell Fusion golfskórinn

Vorið nálgast óðfluga og það er fátt skemmtilegra en að standa úti á golfvelli í nýjum golfskóm eftir langt golfleysi vetrarsvartnættisins.

Meðal nýrra golfskóa 2012 eru golfskórnir, sem bandarísku kylfingarnir Blair O´Neil og Rickie Fowler auglýsa: Puma Cell Fusion.

Puma Cell Fusion - appelsínugulir

Þeir koma í 4 litaútgáfum þar sem grunnliturinn er alltaf svartur og hvítur og síðan er hægt að velja um bláa og appelsínugula, sem eru standardinn og síðan græna og gula (Special Edition golfskó, þ.e. þetta eru skór sem eru í takmarkaðra upplagi).

Puma Cell Fusion er næsta kynslóð af golfskóm, sem er hannaður skv. nýrri iCell tækni Puma og er með sexhyrnda þætti í innri kjarna miðsólans til þess að ná fram  stuðpúðavernd og stöðugleika. Ytri TPU sólinn er með svokölluðum Smart Quill tökkum, sem hægt er að skipta um.

Puma Cell Fusion Special Edition- grænir

Leðrið í skónum er einkaleyfisverndað en svipar til þess, sem notað hefir verið í eldri gerðir af Puma golfskóm  Swing GTX og Tipper.

Margir hafa kvartað undan því á undanförnum árum að táin á skónum mjókki of mikið fram, og hefir verið tekið tillit til þess við nýju hönnunina þannig að meira pláss er fyrir tærnar, sem samt kemur ekki niður á útliti skósins.

Puma Cell Fusion Special Edition - gulir

Púðanir inni í Puma Cell Fusion golfskónum og stuðningur fær háa einkunn af þeim, sem prófað hafa skóinn á golfvöllum, bæði í þurru og rigningarveðri. Þeir segja gripið og stuðninginn sem skórinn veiti óviðjafnanlegan, sem og að fæturnir hafi verið óþreyttir eftir 4-5 tíma golfhring. Sumum fannst líka mjúku plastburstarnir á innsóla við tá skemmtileg nýjung, en nota má þá til að grófhreinsa kylfuna. Þeir sem könnuðu skóna töldu þá vera bestu golfskó, sem Puma hefði komið fram með í lengri tíma.

Puma Cell Fusion kostar $ 180 út úr búð í Bandaríkjunum (u.þ.b. 22.000 íslenskra króna) og kostar eflaust meir hér á landi eftir að tollar, gjöld og söluþóknun hafa verið lögð á af yfirvöldum og golfbúðum hérlendis.

Það er e.t.v. aldrei hægt að spila golf eins vel  og Blair O´Neil eða Rickie Fowler, en það er þó hægt að vera í sömu skóm og þau!

Sjá má kynningarmyndskeið með nýja Puma Cell Fusion golfskónum með því að smella HÉR: