Golfútbúnaður: Nýi FJ DNA golfskórinn

Það er að koma á markað nýr golfskór í byrjun mars, FootJoy DNA, en DNA stendur fyrir „DryJoys Next Advancement.“ Skórinn stendur fyllilega undir nafni því það er hrein gleði að vera í honum.

FJ DNA golfskórinn að framan og aftan

FootJoy hefir tekist afar vel að hanna klassískan golfskó með hreinum línum, sem er hvítur í grunninn en hægt er að velja um 5 mismunandi litatilbrigði:

Hin 5 litatilbrigði FJ DNA

Efra byrði skósins er úr mjúku Pittard leðri, sem er vatnsvarið en er ekki með fráhrindihimnu þannig að skórinn „andar“ líka.

Það þarf lítið að ganga þessa skó til og flestir geta farið út á völl í þeim beint úr boxinu.

Leðrið er með fallega kornótta áferð framan á skónum, sem heldur skónum hreinum til langs tíma að gefnu leðjukenndum jarðvegi sumra golfvalla (þ.e. það á að vera auðveldara að þrífa FJ DNA golfskóinn.

Það var lengi verið að hann FJ DNA. Léttleikinn virðist vera í tísku meðal golfskóahönnuða og einnig hönnuðum FJ DNA hefir tekist með nýrri tækni að gera FJ DNA 20% léttari en forverann; FootJoy XPS-1 og 19% léttari en FJ Icon.  Skórinn er mjög léttur en maður veit að hann er þarna en léttari en flestir, sem er kostur eftir að hafa gengið 5-6 km á golfhring.

Útsólinn er úr NitroThin TPU (ThermoPlastic Urethane) sem er með Optiflex sólarhönnun, sem gerir fætinum kleyft að hreyfa sig meir þegar gengið er og sveiflað.  Það eru 9 takkar undir sólanum og þeir eru staðsettir við útjaðar og undir sólanum.

Takkarnir eru sveigjanlegir þannig að manni finnst maður ekki ganga á stultum og eins er meiri tilfinning fyrir jörðinni.

Takkarnir undir FJ DNA

Grip golfskósins og sveigjanleiki FJ DNA eru meðal helstu kosta hans og gera það að verkum að jafnþægilegt er að vera í honum á mjúku, sem hörðu undirlagi.

Aðeins víðara er um fremri part fótarins í skónum vegna vindælda FootJoy M:Project golfskónna. Kylfingum finnst greinilega þægilegt að hafa rúmt um tærnar og það eykur á þægindin miðað við aðra skó sem eru þrengri.

Horft ofan á FJ DNA

Í sólann er notað svokallað Xtra-Thick FitBed og FineTuned Foam (FTF) sem líka gefur að finna í  FootJoy DryJoys Casual skónum. Innsólinn er með meiri svamp sem lagar sig að fæti kylfingsins í hvert sinn sem stigið er í skóinn og veitir þægindalega mjúka lendingu.  Þrátt fyrir mýkt er stöðugleikinn mikill þegar sveiflað er.

Innsólinn er mjúkur

Ef innsólanum er snúið við sést að það er dekkri, þykkri EVA svampur í kringum útrendur hælsins, sem  sameinast útlínum útsólans. Þetta sér fætinum fyrir stöðugleika og reynt er að ná fram skó sem lagar sig að „náttúrulegum hreyfingum“ fótar kylfingsins.

Sólanum snúið við í FJ DNA

Léttleiki FJ DNA golfskóarins og þægindi er að þakka tveimur öðrum atriðum: Í fyrsta lagi örþunnri SnugFit skótungu með þrýstingspúða þar undir þar sem skórnir eru reimaðir, sem sýnir hversu nostrað hefir verið við smáatriði og  þar sem framleiðendur kalla 3D FoamCollar, en það er kraginn sem umlykur hælinn. Kraginn heldur hælnum vel, en með púðum þannig að þægindin eru í fyrirrúmi.

Mynd af 3D Foam Collar þ.e. hælkraga FJ DNA golfskóarins

Allt í allt lítur FJ DNA vel út og er þægilegur og 3 ólíkar golfútbúnaðarsíður sem Golf 1 leit á gefa skónum fullt hús stiga.

Ýmis smáatriði um FJ DNA golfskóinn:

Kemur á markað í Englandi	1. mars 2014
Kemur á markað í Bandaríkjunum	1. mars 2014
Viðmiðunarverð	£150 (u.þ.b. 24.000,- íslenskar krónur
Forgjafarbil	Low High
Fyrir	Karlkylfinga
Skótegund	Golfskór
Stærðir	6, 6.5, 7, 7.5, 8, 8.5, 9, 9.5, 10, 10.5, 11, 12
Vídd	Medium, Wide
Takkar	Já
Vatnsvarinn	Já
Vefsíða framleiðanda	FootJoy Vefsíða