Golfútbúnaður: Bestu pútterarnir 2013

Hér á eftir fer upptalning á bestu pútterunum ársins 2013 að mati South Florida Golfmagazine, en fulltrúi blaðsins fylgdist að sjálfsögðu með öllu því nýjasta á PGA sölusýningunni í Orlando, sem lauk s.l. laugardag.

Hér fara 5 bestu pútterar ársins að mati blaðsins:

Tropical Abaco – Rife pútter

Þessi pútter þolir vel allskyns álag vegna nýrrar hönnunar (ens. intricate plating process) sem þegar var farin að sjást í Rife pútterunum 2012. Það sem er sérstakt er svokallaður „prism effect“ sem ljær hverjum pútter sinn sérstaka lit.

Tropical Abaco Rife pútterinn

Signature Limited Run Bettinardi pútter

Signature Series 5 er klassískur Bettinardi pútter og er djásnið í 2013 línu þeirra. Púttershálsinn virðist bráðna alveg saman við púttershöfuðið þegar verið er að pútta og kemur það til af því að hálsinn er  mest mjór neðst og víkkar upp á við. Pútterinn er með svokallaðan „reverse taper flow neck.“

Signature Limited Run Bettinardi pútter

Pro Type Black Odyssey pútter

Það sem einkennir pútterinn er mýkri tilfinning og betra rúll. Pro Type pútterinn var hannaður fyrir bestu kylfinga heims. Hönnunin byggist á endurgjöf (ens. feedback) frá mörgum af fremstu kylfingum heims þ.e. áliti þeirra um hvað betur mætti fara í hönnun púttersins.

Pro Type Black Odyssey

Newport 1,5 Scotty Cameron

Scotty stendur alltaf fyrir sínu.  Það besta við Select línuna sem Scotty tilheyrir er að þar finna allir pútter við sitt hæfi. Hönnunin er að mati South Florida Golf Magazine framúrskarandi.

Titleist Scotty Cameron 1,5

Að lokum er ekki hægt annað en að nefna:

PING Anser Milled Series pútterana

PING hefir hefðina fyrir að hanna einhverja albestu pútterana. Nú er hægt að velja um 7 gerðir þannig að hver finni pútter sem hentar best stroku viðkomandi.

Þetta er í samræmi við nýja „Fit for Stroke“ concept-ið.

PING ANSER 5 pútter