Golfútbúnaður: Bentley hefur framleiðslu á golfkylfum

Ef það olli hvassviðri að Parsons Xtreme Golf fór fram á $5,000 fyrir sett af golfkylfum, þá ætti að golfsamfélagið að búa sig undir tsunami. Eina risaflóðbylgju sem á uppruna sinn utan hefðbundins golfiðnaðar.

Það eru Bentley Motors, sem betur eru þekkt fyrir glæsilega og rándýra bíla sína, sem eru að færa sig inn á golfmarkaðinn.

Könnun Bentley leiddi í ljós að 80% viðskiptavina þeirra elska golf og spila.

En í stað þess að halda sig við það sem fyrirtækið þekkir best (það ætti e.t.v. að byrja á að framleiða golfbíla!) þá ætla þeir hjá Bentley að skella sér út í framleiðslu á golfkylfum.

Og líkt og bílar þeirra, þá ódýrustu má fá frá $180,000 (þ.e. 23,4 milljónum íslenskra króna) þá eru  golfkylfurnar ekkert ódýrar heldur.  Átta Bentley járn kosta $ 3.500 (þ.e. 450.000).  Dræver kostar frá $ 750 (u.þ.b. 97.500) þannig að poki með 10 kylfum er á u.þ.b. $ 5000 (þ.e. 650.000 íslenskar krónur).

En hér erum við að tala um basic þ.e. grunnútbúnað.

Það eru nefnilega í boði allskyns aukahlutir s.s. grip úr krókódílaskinni eða boltamerki fyrir $ 800 (u.þ.b. 104.000 íslenskar krónur).  Og ef menn eiga nóg af pening þá er endalaust hægt að verja aukapeningi í sköftin.

Seven Dreamers, sem er fyrirtæki í Japan, sérhæfir sig í golfsköftum. Það dýrasta sem er úr efnum sem aðeins finnast í geimtækni og gervihnöttum geta kostað $ 120.000 ein sér (15,6 milljónir íslenskra króna).

„Ólíkt venjulegum kylfumælingum þar sem sveifla kylfingsins er löguð að skafti sem til er á markaðnum þá búa Seven Dreamers til sérhönnuð sköft sem byggja á þeim upplýsingum fengnar eru (af kylfingnum),“ sagði Peter Lord hjá Professional Golf Europe við Forbes. Það kostar auðveldlega meira en $ 100.000 (þ.e. 13 milljónir íslenskra króna).

Þá virðist þessi dræver sem keyptur var á 75.000 íslenskar krónur ekki svo dýr, eða hvað?