Golftíska: Pils og golfkjólar sjást varla á völlum hérlendis!

Úrval á góðum golfklæðnaði fyrir konur hefir aukist hérlendis.

Margar konur kjósa þó að kaupa golfklæðnað sinn erlendis og oft samanstendur klæðaskápur kvenkylfinga af minjagripum sem keyptir hafa verið á ýmsum golfvöllum sem spilaðir hafa verið erlendis; óteljandi golfsstuttermabolir, nokkrar góðar golfpeysur og buxur.

Flestir kvenkylfingar eiga einnig í golfklæðaskápnum óhefðbundnari golfklæðnað, sem fæstar láta sjá sig í hérlendis.

Hér á landi þykir jafnvel óhefðbundið og óvanalegt að sjá kvenkylfinga í pilsi, nema í þar til gerðum mótum þ.e. hatta- og pilsamótum.

Flestar kjósa að vera í einhverju svörtu, þægilegu og margar með heilan klæðaskáp í golfsettinu til þess að klæða af sér veðrið hérlendis.

Þess vegna er alltaf gaman að fylgjast með golftísku og fatnaði sem hægt er að vera í, í heitari löndum.

„Outfit-ið“ sem t.d. fylgir hér á myndinni er til sölu á Ebay og kostar eitthvað um $80 (þ.e. 10.000 krónur) en tekið er fram að það sé ekki sent til Íslands, þ.e. nota verður gamla trikkið og láta vin í Bandaríkjunum panta það, sé áhugi á því og láta hann senda fötin heim!!!

En það er til efs að nokkur kvenkylfingur myndi láta sjá sig í þessari múnderingu á vellinum, a.m.k. hér á landi 🙂